Prepara didiʼak. Hanoin kona-ba objetivu husi eskritura neʼe. Duké lee liafuan ida-idak, treinu atu lee fraze kompletu. Kuidadu atu la aumenta, haksoit liu, habadak ka lee sala liafuan sira. Haree didiʼak sinál lee nian, hanesan vírgula, pontu no pontu interrogasaun.

Temi liafuan sira ho loloos. Se Ita la hatene oinsá atu temi liafuan ruma, rona ba gravasaun husi ita-nia publikasaun ka husu ajuda ba ema neʼebé hatene lee ho didiʼak.

Koʼalia ho klaru. Temi liafuan ho klaru, hiʼit aas Ita-nia ulun, no loke ibun luan kuandu koʼalia. Hakaʼas an atu temi sílaba sira ho loloos.