Buat diʼak hanesan saida? Filipe 4:8 hatete, atu hanoin kona-ba buat neʼebé loos, importante, buat neʼebé diʼak tuir Maromak nia haree, buat neʼebé moos, haburas domin, merese respeitu, santu, no buat neʼebé merese hahiʼi. Neʼe la dehan katak ita tenke hanoin deʼit kona-ba Bíblia iha tempu hotu. Maibé buat neʼebé ita hanoin tenke halo Jeová kontente no la hanetik ita atu laran-metin ba nia.—Sal 19:14.

Susar tebes ba ita atu hadook an husi hanoin neʼebé la loos. Ita laʼós deʼit luta hasoru ita-nia isin neʼebé la perfeitu maibé mós hasoru Satanás, “maromak mundu neʼe nian”. (2Ko 4:4) Tanba nia kontrola mundu, tan neʼe programa iha televizaun, rádiu, livru no internét hatudu beibeik buat neʼebé la diʼak. Se ita la hili didiʼak buat neʼebé ita enxe iha ita-nia neon, ita-nia neon sei sai foʼer, no ikusmai sei kona ita-nia hahalok.—Tgo 1:14, 15.

HAREE VÍDEO HADOOK AN HUSI BUAT NEʼEBÉ BELE ESTRAGA ITA-NIA LARAN-METIN—ATIVIDADE HALIMAR NIAN NEʼEBÉ LA DIʼAK, DEPOIS HATÁN BA PERGUNTA SIRA TUIRMAI NEʼE:

• Saida mak irmaun neʼe haree iha ninia telefone, no oinsá mak neʼe kona nia?

• Oinsá mak Galásia 6:7, 8 no Salmo 119:37 ajuda nia?