Ita hakarak habelun ho ema neʼebé iha hahalok hanesan saida? Karik hahalok laran-metin, laran-diʼak, no laran-luak. Jeová iha hahalok sira-neʼe hotu. (Éx 34:6; Aps 14:17) Nia rona ba ita-nia orasaun. Nia prontu ajuda ita bainhira ita presiza. (Sal 18:19, 35) Nia perdua ita-nia sala sira. (1Jo 1:9) Jeová mak Belun neʼebé diʼak liu hotu!

Oinsá mak ita bele sai nuʼudar belun ba Jeová? Aprende kona-ba nia liuhusi ninia liafuan Bíblia. Fakar sai ita-nia laran ba nia. (Sal 62:8; 142:2) Hatudu katak ita hafolin buat neʼebé importante ba Jeová, hanesan ninia Oan-Mane, ninia Ukun, no ninia promesa sira ba futuru. Fó sai ba ema seluk kona-ba nia. (Deu 32:3) Se ita haburas relasaun neʼebé metin ho Jeová, nia sei sai ita-nia Belun ba nafatin.—Sal 73:25, 26, 28.

HAREE VÍDEO JOVEN SIRA—“KOKO NO HAREE KATAK JEOVÁ MAK DIʼAK”, DEPOIS HATÁN BA PERGUNTA SIRA TUIRMAI NEʼE:

• Oinsá Ita bele prepara an ba dedikasaun no batizmu?

• Oinsá mak ema seluk iha kongregasaun ajuda ita serbí Jeová?

• Oinsá mak haklaken bele hametin Ita-nia relasaun ho Jeová?

• Ita bele halo knaar saida hodi serbí Jeová?

• Saida mak Ita hafolin liu kona-ba Jeová?