Jacob hatene katak Jeová mak Maromak neʼebé hakarak ema atu adora nia mesak deʼit, maski seidauk iha lei kona-ba labele adora estátua. (Éx 20:3-5) Tan neʼe bainhira Jeová fó-hatene nia atu fila fali ba Betel, Jacob haruka ema hotu neʼebé hamutuk ho nia atu soe hotu maromak falsu neʼebé iha sira-nia leet. Depois, Jacob hakoi maromak sira-neʼe, inklui brinkus neʼebé karik sira uza atu hetan protesaun. (Gén 35:1-4) Ita bele fiar katak Jeová kontente tebes ho buat neʼebé Jacob halo.

Ohin loron, oinsá mak ita bele hatudu katak ita adora Maromak mesak deʼit? Importante tebes atu la iha ligasaun ida ho espiritizmu ka adora buat naran deʼit neʼebé laʼós Maromak. Neʼe mós inklui soe sasán naran deʼit neʼebé liga ho espiritizmu no mós analiza didiʼak ita-nia atividade halimar nian. Porezemplu, husu ba Ita-nia an: ‘Haʼu gosta livru ka filme sira kona-ba vampir, buan, ka forsa neʼebé la baibain? Buat neʼebé haʼu gosta haree, rona, ka lee, hatudu katak májiku no matan-dook nia atividade mak laʼós perigu maibé halimar deʼit ka lae?’ Ita presiza hadook an husi buat hotu neʼebé Maromak odi.—Sal 97:10.

HAREE VÍDEO “KONTRA DIABU”, DEPOIS HATÁN BA PERGUNTA SIRA TUIRMAI NEʼE:

• Problema saida mak estudante Bíblia ida naran Palesa hasoru?

• Tanbasá matenek atu husu katuas kongregasaun nia ajuda se ema ida hasoru problema kona-ba espiritizmu?

• Se hakarak hetan Jeová nia protesaun, presiza hasees an husi saida deʼit?

• Desizaun saida mak Palesa halo?

• Iha Ita-nia área, oinsá mak bele hadook an husi anju aat sira?