Salmo 78:1-72
Maskil.* Asaf+ nia knananuk.
78 Oh haʼu-nia povu, rona haʼu-nia ukun-fuan* bá;See tilun ba liafuan sira husi haʼu-nia ibun.
2 Haʼu sei loke haʼu-nia ibun hodi koʼalia lia-dadolin.
Haʼu sei fó sai ai-sasiʼik sira husi tempu uluk.+
3 Buat neʼebé ita rona no hatene ona,Neʼebé ita-nia aman sira konta ona ba ita,+
4 Ita sei la subar buat sira-neʼe husi sira-nia oan sira;Ita sei konta ba jerasaun neʼebé atu mai+Kona-ba Jeová nia kbiit no hahalok sira neʼebé merese simu hahiʼi,+No buat kmanek sira neʼebé nia halo ona.+
5 Nia fó sai avizu ida iha Jacob nia oan sira-nia leetNo halo ukun-fuan ida iha Izraél;Nia haruka ita-nia beiʼala siraAtu fó-hatene buat sira-neʼe ba sira-nia oan,+
6 Atu nuneʼe jerasaun tuirmai,Katak oan sira neʼebé sei moris mai, bele hatene buat sira-neʼe.+
Tuirmai sira bele konta fali ba sira-nia oan.+
7 Hodi nuneʼe, sira bele tau fiar ba Maromak.
Sira sei la haluha Maromak nia hahalok sira+No sei halo tuir ninia mandamentu sira.+
8 Hodi nuneʼe, sira sei la sai hanesan sira-nia beiʼala siraNeʼebé ulun-toos no kontradór,+Sira mak jerasaun neʼebé laran namlele*+No sira-nia laran la metin ba Maromak.
9 Ema Efraim kaer rama,Maibé sira hakiduk iha loron funu nian.
10 Sira la kumpre Maromak nia aliansa+No lakohi halo tuir ninia ukun-fuan.+
11 Sira mós haluha buat neʼebé nia halo ona,+No haluha ninia hahalok kmanek sira neʼebé nia hatudu ona ba sira.+
12 Iha sira-nia beiʼala nia oin mak nia hatudu hahalok kmanek sira,+Iha rai-Ejitu, iha área Zoan.+
13 Nia fahe tasi ba rua hodi husik sira laʼo liu,No nia halo bee hamriik hanesan didin-lolon* ida.+
14 Nia dirije sira ho kalohan durante loronNo kalan tomak nia dirije sira ho naroman husi ahi.+
15 Nia fera fatuk iha rai-fuik,Nia husik sira hemu bee barak hanesan hemu husi bee kleʼan.+
16 Nia halo bee suli sai husi fatuk bootNo halo bee suli tun hanesan mota.+
17 Maibé sira kontinua halo sala hasoru niaHodi kontra Maromak neʼebé Aas Liu Hotu iha rai-fuik maran;+
18 Sira koko* Maromak iha sira-nia laran+Hodi husu ai-han neʼebé sira kaan.
19 Entaun, sira koʼalia kontra Maromak,Hodi dehan: “Maromak bele fó ai-han ba ita* iha rai-fuik ka lae?”+
20 Haree bá! Nia baku fatuk idaNo bee barak suli sai hanesan mota.+
Maibé sira husu: “Nia mós bele fó ita paun ka lae?Nia bele fó naʼan ba ninia povu ka lae?”+
21 Bainhira Jeová rona sira, nia sai hirus tebes;+Nia hamosu ahi+ hodi fó kastigu ba Jacob,No ninia hirus lakan hasoru Izraél+
22 Tanba sira la tau fiar ba Maromak;+Sira la fiar katak nia iha kbiit atu salva sira.
23 Entaun nia fó mandamentu ba kalohan sira iha lalehan,No nia loke lalehan nia odamatan sira.
24 Nia kontinua hatún maná ba sira atu han;Nia fó sira ai-han husi lalehan.+
25 Ema han kbiit-naʼin* sira-nia ai-han;+Nia fó ai-han natoon hodi halo sira bosu.+
26 Nia halo anin husi parte leste huu iha letenNo halo anin husi parte súl huu ho ninia kbiit.+
27 No nia hatún naʼan barak ba sira hanesan rai-rahun,Manu barak hanesan rai-henek iha tasi-ibun.
28 Nia halo manu sira monu haleʼu ninia tenda sira,Iha ninia povu nia hela-fatin nia leet.
29 Sira han toʼo bosu liu;Nia fó ba sira buat neʼebé sira hakarak.+
30 Maibé antes sira han hotu buat neʼebé sira kaan,No bainhira sira-nia ai-han sei iha hela sira-nia ibun,
31 Maromak nia hirus lakan hasoru sira.+
Nia oho sira-nia mane sira neʼebé forte liu;+Nia oho Izraél nia mane joven sira.
32 Maski nuneʼe, sira halo sala liután+No la tau fiar ba buat kmanek sira neʼebé nia halo ona.+
33 Tan neʼe, nia hakotu sira-nia loron hanesan deʼit ho iis neʼebé ema huu sai,+No hakotu sira-nia tinan derrepente deʼit ho susar.
34 Maibé kuandu nia komesa oho sira balu, sira sempre buka nia;+Sira fila fali hodi buka Maromak,
35 Sira hanoin-hetan katak Maromak mak sira-nia Fatuk Boot+No Maromak neʼebé Aas Liu Hotu mak Ida neʼebé Sosa Fali sira.*+
36 Maibé sira koko atu lohi nia ho sira-nia ibunNo sira bosok nia ho sira-nia nanál.
37 Sira-nia laran la metin ba nia;+No sira la hatudu laran-metin ba ninia aliansa.+
38 Maibé nia hatudu laran-sadiʼa;+Nia perdua sira-nia sala no la halakon sira.+
Dala barak nia tahan ninia hirus,+Nia la hasai ninia hirus hotu.
39 Tanba nia hanoin-hetan katak sira mak ema deʼit,+No sira hanesan anin neʼebé huu liu deʼit no la fila fali.*
40 Dala barak sira kontra hasoru nia iha rai-fuik+No sira hakanek ninia laran iha rai-fuik maran!+
41 Sira koko Maromak fila-fila,+No sira halo triste* Izraél nia Maromak neʼebé Santu.
42 Sira la hanoin-hetan ninia kbiit,*Loron neʼebé nia salva* sira husi inimigu,+
43 Sira la hanoin-hetan oinsá nia hatudu ninia sinál sira iha rai-Ejitu+No ninia milagre sira iha área Zoan,
44 No sira la hanoin-hetan oinsá nia halo Mota Nilo nia mota kiʼik sira sai raan+Hodi nuneʼe ema labele hemu husi sira-nia bee rasik.
45 Nia haruka lalar boot* barak hodi haterus sira+No haruka manduku hodi halakon sira.+
46 Nia entrega sira-nia toʼos ba gafañotu neʼebé hamlaha,No entrega rezultadu husi sira-nia serbisu ba gafañotu lubun.+
47 Nia estraga sira-nia uvas-hunNo sira-nia ai-sikómoru* ho udan jelu-fatuk.+
48 Nia oho sira-nia animál ho jelu-fatuk+No oho sira-nia animál-hakiak ho rai-lakan.*
49 Nia fakar ninia hirus makaʼas ba sira,Laran-nakali, nervozu no terus,No anju lubun mak lori susar ba sira.
50 Nia hamoos dalan ba ninia hirus.
Nia la husik sira* atu sees husi mate;No nia entrega sira* ba moras-peste.*
51 Ikusmai nia oho oan primeiru hotu iha rai-Ejitu,+Ida neʼebé primeiru husi sira-nia kbiit atu iha oan, iha Ham nia tenda sira.
52 Tuirmai nia lori sai ninia povu hanesan lori bibi-lubun+No dirije sira hanesan dirije bibi-lubun iha rai-fuik.
53 Nia dirije sira ho seguru,No sira la sente taʼuk;+Tasi taka tiha sira-nia inimigu.+
54 No nia lori sira ba ninia rai santu,+Área foho nian neʼebé nia foti ho ninia liman-loos.+
55 Nia duni sai tiha nasaun sira husi sira-nia oin;+Nia fahe liman-rohan ba sira tuir tali sukat nian;+Nia tau Izraél nia suku sira hodi hela iha sira ida-idak nia uma.+
56 Maibé sira kontinua koko* Maromak neʼebé Aas Liu Hotu, no kontra beibeik nia;+Sira la see tilun didiʼak ba ninia avizu sira.+
57 Sira mós husik nia no laran-makerek hanesan sira-nia beiʼala.+
Labele tau fiar ba sira tanba sira hanesan rama-inan neʼebé ninia talin la metin.+
58 Sira halo nia laran-kanek beibeik ho sira-nia fatin aas* sira,+No sira halo nia sai laran-nakali* tanba sira-nia estátua.+
59 Maromak rona no sai hirus,+Tan neʼe, nia hakribi tebes Izraél.
60 Ikusmai nia husik tiha tenda santu iha Silo,+Tenda neʼebé nia hela ona iha ema nia leet.+
61 Nia husik ema lori buat neʼebé reprezenta ninia kbiit hodi sai dadur;Nia entrega buat neʼebé reprezenta ninia kmanek ba inimigu nia liman.+
62 Nia entrega ninia povu ba surik+No nia sai hirus ba ninia liman-rohan.
63 Ahi han mohu tiha ninia mane joven sira,No ema la kanta knananuk kaben nian ba ninia feto virjen sira.*
64 Ninia amlulik sira mate ho surik,+No sira-nia feto-faluk sira la tanis.+
65 Tuirmai Jeová hadeer husi toba,+Hanesan asuwaʼin ida+ neʼebé hadeer no oin-moos ona husi tua-uvas.
66 Nia duni fila ninia inimigu sira;+Nia halo sira hetan moe ba nafatin.
67 Nia la simu José nia tenda;Nia la hili suku Efraim.
68 Maibé nia hili suku Judá,+Foho Siaun, neʼebé nia hadomi.+
69 Nia harii ninia fatin sagradu atu iha ba nafatin hanesan lalehan,*+Hanesan rai neʼebé nia harii ona ba nafatin.+
70 Nia hili ninia atan David+No foti nia husi bibi-malae sira-nia leet,+
71 Husi serbisu hodi tau matan ba bibi-inan neʼebé fó-susu hela ba oan;Nia halo David sai nuʼudar bibi-atan ba Jacob, ninia povu,+No ba Izraél, ninia liman-rohan.+
72 Nuʼudar bibi-atan, nia tau matan ba sira ho laran-metin,*+No nia dirije sira ho matenek.+
Nota-rodapé
^ Ka “hanorin”.
^ Orj., “seidauk prepara sira-nia laran”.
^ Ka “moru-lolon”.
^ Ka “sadik”.
^ Ka “bele prepara meza ba ita”.
^ Ka “anju”.
^ Ka “Ida neʼebé selu fali ba ema neʼebé halo aat ba sira”.
^ Ka “sira lakon forsa moris nian no labele hetan fali”.
^ Ka “halo laran-kanek”.
^ Orj., “liman”.
^ Orj., “sosa fali”.
^ Neʼe mak lalar oin ida neʼebé tata ema no animál.
^ Ka karik “isin-manas makaʼas”.
^ Haree “Nefes” iha Glosáriu.
^ Orj., “sira-nia moris”.
^ Ka “sadik”.
^ Haree “Fatin aas” iha Glosáriu.
^ Ka “laran-moras”.
^ Orj., “No ema la hahiʼi ninia feto virjen sira”.
^ Orj., “harii ninia fatin sagradu hanesan fatin aas”.
^ Ka “integridade”.
