Salmo 58:1-11
-
Iha Maromak neʼebé tesi-lia ba mundu
-
Orasaun atu kastigu ema aat (6-8)
-
Ba dirijente: Tuir melodia Labele Harahun Haʼu. David nia knananuk. Miktam.*
58 Bainhira imi nonook deʼit, imi bele koʼalia kona-ba buat neʼebé loos ka?+
Oh imi ema sira, imi bele tesi-lia ho loloos ka?+
2 Maibé imi halo planu aat iha imi-nia laran,+No imi-nia liman halo violénsia iha rai.+
3 Ema aat tama ona iha dalan neʼebé sala husi tempu neʼebé sira moris mai;*Sira halo hahalok aat no bosok husi tempu neʼebé sira moris.
4 Sira-nia venenu mak hanesan samea nia venenu;+Sira diuk hanesan samea-kobra neʼebé taka nia tilun.
5 Nia la rona ba matan-dook sira-nia lian,Maski sira iha matenek atu uza maninga.
6 Oh Maromak, tuku monu tiha sira-nia nehan!
Oh Jeová, halo rahun tiha leaun-aman sira-neʼe nia hasan-ruin!
7 Halo sira lakon hanesan bee neʼebé maran tiha.
Haʼu hein katak Maromak sei dada ninia rama no halo sira monu ho ninia rama-oan sira.
8 Halo sira sai hanesan karakól neʼebé sai maran kuandu nia dolar hela;Hanesan feto nia oan neʼebé foin moris mai mate ona no nunka haree loro-matan.
9 Antes ai-tarak neʼebé lakan bele halo manas imi-nia sanan,Maromak sei huu lakon tiha ai-sanak lakan no ai-sanak matak, hanesan anin-fuik.+
10 Ema laran-loos sei haksolok tanba nia haree ona Maromak selu fali ema aat nia hahalok;+Ema aat nia raan sei habokon ninia ain.+
11 Tuirmai ema sei dehan: “Ema laran-loos sei simu ninia kolen.+
No iha duni Maromak ida neʼebé tesi-lia ba rai.”+
