Salmo 37:1-40
David nia knananuk.
א [Alef]
37 Keta sai laran-nakali tanba ema aat sira;Keta sai laran-moras ba ema sira neʼebé halo sala.+
2 Sira sei namlaek lalais hanesan duʼut+No hanesan duʼut matak neʼebé sai maran.
ב [Bet]
3 Tau fiar ba Jeová no halo buat neʼebé diʼak;+Hela iha rai,* no hatudu hahalok laran-metin.+
4 Haksolok bá* tanba Jeová,No nia sei fó ba ó buat neʼebé ó-nia laran hakarak.
ג [Gimel]
5 Husik Jeová dirije ó-nia dalan;+Sadere ba nia, no nia sei ajuda ó.+
6 Nia sei halo ó-nia hahalok loos sai nabilan hanesan rai naroman,No ó-nia justisa sai nabilan hanesan loro-matan iha meiudia.
ד [Dalet]
7 Hein ho nonook deʼit iha Jeová nia oin+No hein nia ho pasiénsia.
Keta sai laran-nakali tanba emaNeʼebé hetan susesu hodi kumpre ninia planu aat sira.+
ה [Hei]
8 Husik tiha hirus no soe tiha laran-nakali;+Keta sai laran-nakali no halo hahalok aat.*
9 Tanba ema aat sei lakon tiha,+Maibé ema neʼebé tau esperansa ba Jeová sei simu rai nuʼudar sira-nian.+
ו [Vau]
10 Hela tempu uitoan tan, ema aat sei la iha ona;+Ó sei hateke ba sira-nia fatin,Maibé sira la iha neʼebá.+
11 Maibé ema laran-maus sei simu rai nuʼudar sira-nian,+No sira sei hetan ksolok boot ho dame neʼebé barak.+
ז [Zain]
12 Ema aat halo planu hodi kontra ema laran-loos;+Nia ruun nehan ba ema laran-loos.
13 Maibé Maromak Jeová sei hamnasa nia,Tanba Maromak hatene katak ninia loron sei toʼo mai.+
ח [Hetes]
14 Ema aat losu sira-nia surik no prepara* sira-nia ramaAtu oho ema kiak no sira neʼebé iha terus laran,Atu oho ema sira neʼebé halo hahalok loos.
15 Maibé sira-nia surik sei sona sira-nia fuan rasik;+Sira-nia rama sei tohar tiha.
ט [Tet]
16 Ema laran-loos neʼebé iha sasán uitoan deʼit mak diʼak liuDuké ema aat sira neʼebé iha rikusoin barak.+
17 Tanba ema aat sira-nia liman neʼebé forte sei tohar tiha,Maibé Jeová sei apoia ema neʼebé laran-loos.
י [Iod]
18 Ema neʼebé moris ho hahalok loos, Jeová hatene buat hotu neʼebé sira hasoru,*No sira-nia liman-rohan sei hela ba nafatin.+
19 Sira sei la hetan moe durante tempu terus nian;No sira sei iha hahán barak durante tempu hamlaha.
כ [Kaf]
20 Maibé ema aat sei mate mohu tiha;+Jeová nia inimigu sira sei namlaek hanesan duʼut matak;Sira sei lakon tiha hanesan ahi-suar.
ל [Lamed]
21 Ema aat sira debe no la selu fali,Maibé ema laran-loos sira fó ho laran-luak.*+
22 Sira neʼebé hetan bensaun husi Maromak sei simu rai nuʼudar sira-nian,Maibé sira neʼebé nia fó-malisan sei lakon tiha.+
מ [Mem]
23 Se Jeová kontente ho ema ida nia dalan,+Nia sei dirije* ema neʼe nia hakat sira.+
24 Maski nia sidi, maibé nia sei la monu toʼo oin rabat rai,+Tanba Jeová kaer metin ninia liman* hodi nia bele hamriik fali.+
נ [Nun]
25 Uluk haʼu joven no agora haʼu idade ona,Maibé haʼu seidauk haree Maromak husik hela ema laran-loos,+No seidauk haree ninia oan sira husu hahán.*+
26 Nia sempre fó-empresta ho laran tomak,+No ninia oan sira sei hetan bensaun.
ס [Samek]
27 Hasees an husi buat neʼebé aat no halo buat neʼebé diʼak,+Ho ida-neʼe, ó sei moris nafatin.
28 Tanba Jeová hadomi justisa,No nia sei nunka husik hela ninia ema sira neʼebé laran-metin.+
ע [Ain]
Nia sei proteje sira nafatin;+Maibé ema aat nia bei-oan sira sei lakon mohu.+
29 Ema laran-loos sira sei simu rai nuʼudar sira-nian,+No sira sei moris ba nafatin iha rai.+
פ [Pei]
30 Ema laran-loos nia ibun fó sai matenek,*No ninia nanál koʼalia kona-ba justisa.+
31 Ninia Maromak nia ukun-fuan mak iha ninia laran;+Bainhira nia laʼo, ninia ain sei la sidi.+
צ [Sade]
32 Ema aat hafuhu ema laran-loos,Hodi buka atu oho nia.
33 Maibé Jeová sei la entrega ema laran-loos ba ema aat neʼe nia liman+No la fó-sala ba nia bainhira nia hetan tesi-lia.+
ק [Kof]
34 Tau esperansa ba Jeová no laʼo tuir ninia dalan sira,No nia sei foti aas ó hodi simu rai nuʼudar ó-nian.
Ó sei haree+ bainhira nia halakon ema aat.+
ר [Reix]
35 Haʼu haree ona ema aatSai boot hanesan ai neʼebé buras iha ninia rai.+
36 Maibé nia lakon derrepente deʼit no la iha tan;+Haʼu kontinua buka nia, no la hetan.+
ש [Xin]
37 Haree didiʼak ba ema neʼebé moris ho hahalok loos,*No hateke beibeik ba ema laran-loos,+Tanba ema neʼe nia moris iha futuru sei nakonu ho dame.+
38 Maibé ema kontradór hotu sei lakon mohu;Ema aat sei la iha futuru.+
ת [Tau]
39 Jeová mak fó salvasaun ba ema laran-loos;+Nia mak sira-nia uma aas neʼebé seguru iha tempu susar.+
40 Jeová sei ajuda sira no salva sira.+
Nia sei hasai sira husi ema aat nia liman no salva sira,Tanba sira buka protesaun husi nia.+
Nota-rodapé
^ Ka “mundu”.
^ Ka “Hetan ksolok boot liu”.
^ Ka karik “Keta sai laran-nakali tanba neʼe sei lori susar ba ó”.
^ Ka “tau talin ba”.
^ Orj., “Jeová hatene ema sala-laek nia loron sira”.
^ Ka “hatudu laran-diʼak”.
^ Ka “hametin”.
^ Ka “kaer metin ho Ninia liman”.
^ Orj., “paun”.
^ Ka “fó sai matenek ho lian neineik”.
^ Ka “ema neʼebé hatudu nafatin integridade”.
