Salmo 19:1-14
Ba dirijente. David nia knananuk.
19 Buat sira neʼebé iha lalehan fó sai Maromak nia glória;+Sira haklaken kona-ba serbisu neʼebé nia halo ho ninia liman.+
2 Loroloron sira koʼalia hanesan bee neʼebé suli sai,No kalan-kalan sira hatudu sai koñesimentu.
3 La iha lian, no la iha liafuan;Ema la rona sira-nia lian.
4 Maibé sira-nia lian* toʼo iha mundu tomak,No sira-nia lia-menon toʼo ba ema neʼebé hela iha fatin dook liu iha mundu.+
Iha lalehan nia harii tenda ida ba loro-matan.
5 Loro-matan hanesan noivu neʼebé sai husi noiva nia kuartu,No haksolok hanesan mane forte neʼebé gosta halai-taru.
6 Loro-matan sai husi lalehan nia rohan ida,No halai toʼo lalehan nia rohan seluk;+La iha buat ida mak bele subar an husi ninia manas.
7 Jeová nia ukun-fuan mak perfeitu,+ halo ema* hetan fali kbiit.+
Jeová nia avizu mak ema bele tau fiar,+ halo ema neʼebé la iha esperiénsia sai matenek.+
8 Jeová nia orden mak loos, halo ema nia laran haksolok;+Jeová nia mandamentu mak moos, halo ema nia matan nabilan.+
9 Hamtaʼuk Jeová+ mak hahalok santu, no sei iha ba nafatin.
Jeová nia desizaun mak loos, desizaun hotu neʼe mak diʼak.+
10 Desizaun sira-neʼe mak folin-boot liu fali osan-mean,Folin-boot liu fali osan-mean barak neʼebé diʼak liu,*+No midar liu fali bani-been,+ bani-been neʼebé moos liu.
11 Ita-nia atan simu avizu liuhusi desizaun sira-neʼe;+No sira neʼebé halo tuir desizaun sira-neʼe sei simu kolen boot.+
12 Sé mak bele hatene ninia sala rasik?+
Favór ida, fó perdua ba sala sira neʼebé haʼu halo la ho neon.
13 No hanetik Ita-nia atan atu la halo hahalok aat ho foti an;*+Keta husik hahalok sira-neʼe domina haʼu.+
Hodi nuneʼe haʼu bele sai kompletu+No hadook an husi sala boot.*
14 Oh Jeová, haʼu-nia Fatuk Boot+ no haʼu-nia Salvadór,*+Haʼu harohan katak liafuan husi haʼu-nia ibun no hanoin iha haʼu-nia laran sei halo Ita kontente.+
Nota-rodapé
^ Ka karik “sira-nia tali sukat nian”.
^ Haree “Nefes” iha Glosáriu.
^ Ka “halo moos ona”.
^ Ka “sala barak”.
^ Ka “Ida neʼebé Sosa Fali haʼu”.
