Ebreu 1:1-14
1 Iha tempu uluk Maromak koʼalia ba ita-nia beiʼala sira liuhusi profeta sira dala barak no iha dalan oioin.+
2 Agora iha loron sira-neʼe nia rohan, nia koʼalia ona ba ita liuhusi ninia Oan-Mane,+ neʼebé nia hili atu simu buat hotu nuʼudar liman-rohan,+ no liuhusi nia mak Maromak halo buat neʼebé iha mundu no mós iha lalehan.*+
3 Nia haleno Maromak nia glória+ no nia mak Maromak nia ilas loloos,+ nia halo buat hotu kontinua moris ho ninia liafuan neʼebé iha kbiit, no bainhira nia hamoos tiha ita-nia sala,+ nia tuur iha fatin aas iha Maromak neʼebé Boot Liu nia liman sorin loos.+
4 Nuneʼe, nia sai diʼak liu fali anju sira,+ tanba nia simu naran neʼebé kmanek liu fali sira-nian.+
5 Porezemplu, Maromak la dehan ba anju ida: “Ó mak haʼu-nia oan-mane; ohin haʼu sai ona ó-nia aman”,+ ka: “Haʼu sei sai ninia aman, no nia sei sai haʼu-nia oan-mane.”+
6 Maibé kuandu nia haruka fali ninia Oan Primeiru+ mai mundu, nia dehan: “Maromak nia anju sira hotu tenke hakruʼuk* ba nia.”
7 No mós, nia koʼalia kona-ba anju sira, hodi dehan: “Nia halo ninia anju sira nuʼudar espíritu,* no ninia atan sira+ nuʼudar ahi neʼebé lakan.”+
8 Maibé kona-ba ninia Oan-Mane, nia dehan: “Maromak fó podér ba Ita atu ukun*+ tinan ba tinan ba nafatin, no liurai nia ai-tonka ba Ita-nia Ukun* mak ai-tonka hahalok loos nian.*
9 Ita hadomi hahalok loos, no odi hahalok aat. Tan neʼe mak Maromak, Ita-nia Maromak, hili Ita hodi fui mina* ba Ita+ no fó ba Ita ksolok neʼebé boot liu fali Ita-nia maluk sira.”+
10 No: “Oh Naʼi, horiuluk kedas, Ita tau rai nia hun, no Ita kria lalehan ho Ita-nia liman.
11 Sira sei lakon, maibé Ita sei hela ba nafatin; no hanesan roupa ida, sira sei sai tuan,
12 no Ita sei lulun sira hanesan roupa neʼebé naruk no Ita sei troka sira hanesan ema troka roupa, maibé Ita sei hanesan nafatin, no Ita-nia tinan sira nunka iha rohan.”+
13 Maibé Maromak nunka koʼalia ba anju seluk, hodi dehan: “Tuur iha haʼu-nia liman-loos toʼo haʼu tau ó-nia inimigu sira iha ó-nia ain okos.”*+
14 Anju sira hotu mak espíritu hodi halo serbisu santu.+ Maromak haruka sira atu serbí ema sira neʼebé sei hetan salvasaun.
Nota-rodapé
^ Ka “halo sistema sira-neʼe”. Haree “Sistema” iha Glosáriu.
^ Ka “hatudu respeitu”.
^ Haree “Pneuma” iha Glosáriu.
^ Orj., “Maromak mak Ita-nia kadunan”.
^ Ka “Reinu; Governu”.
^ Ka “ai-tonka justisa nian”.
^ Haree “Fui mina” iha Glosáriu.
^ Ka “toʼo haʼu halo ó-nia inimigu sira sai hanesan fatin tau ó-nia ain”.
