Salmo 144:1-15
David nia knananuk.
144 Fó hahiʼi ba Jeová, haʼu-nia Fatuk Boot,+Ida neʼebé treinu haʼu-nia liman atu halo funu,No hanorin haʼu-nia liman-fuan atu funu hasoru inimigu.+
2 Nia mak haʼu-nia fatin seguru no nia hatudu domin neʼebé laran-metin ba haʼu,Haʼu-nia fatin protesaun* neʼebé seguru no haʼu-nia salvadór,Nia mak haʼu-nia eskudu no haʼu buka ona mahon husi nia,+Nia halo haʼu manán povu sira.+
3 Oh Jeová, ema iha folin saida hodi Ita haree ba nia?Ema iha folin saida hodi Ita tau atensaun ba nia?+
4 Ema mak hanesan deʼit ho iis neʼebé ema huu sai;+Ninia loron sira hanesan lalatak neʼebé lakon daudaun.+
5 Oh Jeová, halo Ita-nia lalehan sai kleʼuk no tun bá;+Kona foho sira no halo suar sai.+
6 Hamosu rai-lakan no halo inimigu halai namkari;+Hana Ita-nia rama-oan sira no halo sira sai runguranga.+
7 Lolo Ita-nia liman husi leten;Salva haʼu no hasai haʼu husi bee neʼebé kleʼan,Husi ema estranjeiru sira-nia liman,+
8 Sira neʼebé koʼalia bosokNo foti sira-nia liman-loos hodi jura falsu.
9 Oh Maromak, haʼu sei kanta knananuk foun ida ba Ita.+
Haʼu sei kanta knananuk hahiʼi nian* ba Ita, hodi akompaña ho instrumentu neʼebé iha talin sanulu,
10 Ba Ida neʼebé halo liurai sira manán,*+Ida neʼebé salva ninia atan David husi ema neʼebé atu oho nia ho surik.+
11 Favór ida, salva haʼu no hasai haʼu husi ema estranjeiru sira-nia liman,Sira neʼebé koʼalia bosokNo foti sira-nia liman-loos hodi jura falsu.
12 Hodi nuneʼe, ami-nia oan-mane sira sei sai hanesan ai-oan sira neʼebé sai boot lalais,Ami-nia oan-feto sira sei sai hanesan riin furak neʼebé bahat ona iha palásiu nia sikun.
13 Ami-nia armazén sira sei sai nakonu ho ai-han oioin toʼo resin;Ami-nia animál sira iha rai-luan sei aumenta ba dala rihun ida, no ba dala rihun sanulu.
14 Ami-nia karau sira neʼebé kabuk todan, sira-nia oan la mate bainhira hahoris;No ema sei la halerik iha ami-nia fatin públiku.
15 Ksolok ba povu neʼebé simu bensaun hanesan neʼe!
Ksolok ba povu neʼebé adora Jeová nuʼudar sira-nia Maromak!+
