Isaias 4:1-6
4 Iha loron neʼebá, feto naʼin-hitu sei kaer metin mane ida,+ hodi dehan:
“Ami sei han ami-nia ai-han rasikNo uza ami-nia roupa rasik;Maibé ami husu buat ida deʼit, husik ami lori Ita-nia naranAtu hasai tiha ami-nia moe.”*+
2 Iha loron neʼebá, ai-horis neʼebé Jeová halo moris husi rai sei sai furak no kmanek. Ema restu husi Izraél neʼebé la mate sei sente orgullu no haksolok tanba rai fó rezultadu.+
3 Ema neʼebé hela iha Siaun, neʼe katak ema restu neʼebé hela iha Jeruzalein, sira hotu neʼebé naran hakerek ona atu moris iha Jeruzalein, sei hanaran nuʼudar santu.+
4 Bainhira Jeová hamoos tiha foʼer* husi Siaun nia oan-feto sira+ no solur tiha raan husi Jeruzalein nia leet ho forsa husi ninia tesi-lia no forsa neʼebé lakan,*+
5 Jeová mós sei halo kalohan no suar durante loron no ahi lakan durante kalan hodi taka área Foho Siaun nian tomak no iha fatin ba reuniaun boot sira iha neʼebá;+ tanba sei iha mahon neʼebé taka buat hotu neʼebé iha glória.
6 No sei iha barraka atu fó mahon durante loron manas,+ no nuʼudar fatin seguru no fatin protesaun nian husi anin-fuik no udan.+
Nota-rodapé
^ Neʼe katak moe tanba la kaben no la iha oan.
^ Orj., “tee”.
^ Ka “forsa neʼebé hamoos”.
