Provérbios 19:1-29
19 Diʼak liu moris kiak ho hahalok laran-metin*+Duké sai ema beik neʼebé koʼalia bosok.+
2 La diʼak se ema* ida la iha koñesimentu,+No ema neʼebé halo buat ruma ho ansi mak sei halo sala.
3 Ema nia hahalok beik rasik mak halo kleʼuk ninia dalan sira,No ninia laran sai hirus tebes hasoru Jeová.
4 Ema neʼebé riku iha belun barak,Maibé kona-ba ema kiak, ninia belun mós sei husik hela nia.+
5 Ema neʼebé fó sasin falsu sei hetan duni kastigu,+No ema neʼebé bosok deʼit kona-ba buat hotu sei labele halai sees husi kastigu.+
6 Ema barak hakarak atu ema-boot* simu sira,No ema hotu sai belun ho ema neʼebé fó prezente.
7 Ema kiak nia maun-alin hotu odi nia;+Sá tan ninia kolega sira, sira lakohi duni atu hakbesik ba nia!+
Nia duni tuir sira atu husu ajuda, maibé sira ida mós la hatán.
8 Ema neʼebé hetan matenek iha laran hadomi ninia moris.+
Ema neʼebé hafolin matenek* sei hetan susesu.*+
9 Ema neʼebé fó sasin falsu sei hetan duni kastigu,No ema neʼebé bosok deʼit kona-ba buat hotu sei lakon mohu.+
10 Ema beik la merese atu moris hanesan ema riku;Nuneʼe mós atan ida la merese atu ukun ulun-naʼin sira!+
11 Ema nia matenek* sei ajuda duni nia atu la sai hirus lalais,+No buat furak neʼebé nia halo mak nia la hanoin fali* kona-ba ema nia sala.+
12 Liurai nia hirus mak hanesan leaun-aman neʼebé hasai lian,+Maibé ninia laran-diʼak mak hanesan mahobeen neʼebé turuk ba ai-horis sira.
13 Oan* neʼebé beik lori susar ba ninia aman,+No feen neʼebé gosta istori malu* mak hanesan kakuluk neʼebé kuak no bee turuk beibeik.+
14 Liman-rohan husi aman mak uma no rikusoin,Maibé feen neʼebé matenek mak husi Jeová.+
15 Ema baruk-teen toba barak,No ema* neʼebé baruk sei hamlaha.+
16 Ema neʼebé kaer metin ba mandamentu sei la lakon ninia moris;+No ema neʼebé la hanoin didiʼak kona-ba ninia dalan sira sei mate.+
17 Ema neʼebé hatudu laran-diʼak ba ema kiak fó-empresta ba Jeová,+No Nia sei selu fali* buat neʼebé ema neʼe halo.+
18 Fó dixiplina ba* ó-nia oan kuandu sei iha oportunidade,*+Se lae ó mak sei simu responsabilidade kona-ba ninia mate.*+
19 Ema neʼebé sai hirus lalais sei simu ninia rezultadu;Se ó koko atu ajuda nia, ó tenke halo ida-neʼe beibeik.+
20 Rona ba konsellu no simu dixiplina,+Atu nuneʼe ó bele sai matenek iha aban-bainrua.+
21 Ema nia laran iha planu barak,Maibé Jeová nia hakarak* mak sei hela ba nafatin.+
22 Ema nia hahalok furak mak ninia domin neʼebé laran-metin;+No diʼak liu sai kiak duké sai bosok-teen.
23 Hamtaʼuk Jeová sei lori ema ba moris;+Ema neʼebé iha hamtaʼuk neʼe sei deskansa ho hakmatek, no buat aat sei la kona nia.+
24 Ema baruk-teen tau deʼit ninia liman iha manko festa nian,No nia sente baruk atu foti ninia liman hodi hatama hahán ba ninia ibun.+
25 Baku ema neʼebé gozadór,+ atu nuneʼe ema neʼebé la iha esperiénsia bele sai matenek,+No korrije ema neʼebé matenek,* atu nuneʼe nia bele aumenta ninia koñesimentu.+
26 Oan neʼebé halo aat ba ninia aman no duni sai ninia inanMak oan neʼebé lori moe boot no halo ema hakribi.+
27 Haʼu-nia oan, se ó la rona tan ba dixiplina,Ó sei laʼo sees husi dalan koñesimentu nian.
28 Sasin neʼebé folin-laek la hafolin justisa,+No ema laran-aat gosta deʼit buat neʼebé aat.+
29 Kastigu hein hela ema gozadór sira,+Nuneʼe mós ema beik sei hetan baku iha ninia kotuk.+
Nota-rodapé
^ Ka “ho integridade”.
^ Haree “Nefes” iha Glosáriu.
^ Ka “ema neʼebé laran-luak”.
^ Ka “kbiit atu tetu didiʼak”.
^ Orj., “diʼak”.
^ Ka “kbiit atu komprende didiʼak”.
^ Ka “nia husik liu deʼit”.
^ Orj., “Oan-mane”.
^ Ka “ibuibun”.
^ Haree “Nefes” iha Glosáriu.
^ Ka “fó kolen ba”.
^ Ka “Hanorin; Treinu”.
^ Ka “esperansa”.
^ Ka “ó mak hakarak nia mate”.
^ Ka “konsellu”.
^ Ka “ema neʼebé iha kbiit atu komprende”.
