Primeiru Krónikas 5:1-26
5 Tuirmai neʼe mak Izraél nia oan-mane primeiru Ruben+ nia oan-mane sira. Ruben mak oan-mane primeiru, maibé tanba nia halo relasaun seksuál ho ninia aman nia feen-kiʼik,*+ entaun ninia direitu nuʼudar oan-mane primeiru entrega fali ba Izraél nia oan-mane José+ nia oan-mane sira. Tan neʼe mak Ruben nia naran la tau nuʼudar oan-mane primeiru iha lista naran nian tuir sira-nia liña jerasaun.
2 Maski Judá+ mak diʼak liu fali ninia maun-alin sira no ulun-naʼin ida sei sai mai husi ninia jerasaun,+ maibé direitu nuʼudar oan-mane primeiru entrega ba José.
3 Izraél nia oan-mane primeiru Ruben nia oan-mane sira mak Hanok, Palu, Hezron no Karmi.+
4 Joel nia oan-mane mak Semaias, Semaias nia oan-mane mak Gog, Gog nia oan-mane mak Simei,
5 Simei nia oan-mane mak Miqueias, Miqueias nia oan-mane mak Reaias, Reaias nia oan-mane mak Baal,
6 Baal nia oan-mane mak Beera, neʼebé Liurai Tilgat-Pilneser+ husi rai-Asíria lori tiha nuʼudar dadur. Beera mak xefe husi suku Ruben.
7 Beera nia maun-alin sira-nia naran, tuir sira-nia família no tuir sira-nia liña jerasaun neʼebé hakerek iha lista naran nian, mak Jeiel neʼebé nuʼudar ulun-naʼin, no mós Zacarias,
8 no Belá, Azaz nia oan-mane. Belá nia família hela iha Aroer+ toʼo Nebo no Baal-Meon.+ Azaz nia aman mak Sema, no Sema nia aman mak Joel.
9 Belá nia hela-fatin aumenta ba parte leste toʼo área neʼebé tama ba rai-fuik iha Mota Eufrates,+ tanba sira iha animál-hakiak barak tebes iha rai-Gilead.+
10 Iha Saul nia tempu, sira halo funu hasoru ema Agar, no manán ema sira-neʼe, no hela fali iha ema sira-neʼe nia tenda iha área tomak iha Gilead nia parte leste.
11 Gad nia família hela besik sira iha rai-Basan toʼo Saleka.+
12 Ulun-naʼin sira iha Basan mak tuirmai neʼe: primeiru mak Joel, segundu mak Safam, tuirmai mak Janai no Safat.
13 No sira-nia família mak Micael, Mesulam, Seba, Jorai, Jakan, Zia no Eber, sira hotu hamutuk naʼin-hitu.
14 Mane sira-neʼe mak Abihail nia oan-mane. Abihail mak Huri nia oan-mane, Huri mak Jaroa nia oan-mane, Jaroa mak Gilead nia oan-mane, Gilead mak Micael nia oan-mane, Micael mak Jesisai nia oan-mane, Jesisai mak Jado nia oan-mane, no Jado mak Buz nia oan-mane.
15 Abdiel nia oan-mane Ahis mak ulun-naʼin ba sira-nia umakain. Abdiel mak Guni nia oan-mane.
16 Sira hela iha Gilead,+ iha Basan,+ no ninia sidade kiʼik sira,* no mós hela iha Saron nia área tomak neʼebé iha duʼut barak.
17 Sira hotu nia naran hakerek ona iha lista tuir sira-nia liña jerasaun, iha tempu neʼebé Liurai Jotão+ ukun rai-Judá no iha tempu neʼebé Liurai Jeroboão*+ ukun rai-Izraél.
18 Ema Ruben, ema Gad, no suku Manasés nia sorin balu, iha funu-naʼin kbiit boot hamutuk naʼin-44.760 neʼebé lori eskudu no surik, no mós kaer rama,* no sira hotu hetan treinu atu halo funu.
19 Sira halo funu hasoru ema Agar,+ Jetur, Nafis+ no Nodab.
20 Sira harohan ba Maromak hodi husu ajuda, no Maromak hatán ba sira tanba sira tau fiar ba nia, entaun Maromak ajuda sira atu halo funu hasoru ema sira-neʼe,+ nuneʼe ema Agar, no ema hotu neʼebé hamutuk ho ema sira-neʼe lakon funu.
21 Sira hadau ema sira-neʼe nia animál-hakiak hanesan tuirmai neʼe: kuda-kamelu 50.000, bibi-malae 250.000 no kuda-burru 2.000. Sira mós kaer povu* sira hamutuk naʼin-100.000.
22 Ema barak mate iha funu neʼebé Maromak loos halo.+ Ikusmai sira hela iha ema sira-neʼe nia fatin toʼo tempu neʼebé sira sai dadur.*+
23 Jerasaun husi suku Manasés+ nia sorin balu hela iha rai neʼe husi Basan toʼo Baal-Hermon, Senir no Foho Hermon.+ Sira mak ema barak tebes.
24 Ulun-naʼin sira ba sira-nia umakain mak tuirmai neʼe: Efer, Isi, Eliel, Azriel, Jeremias, Hodavias no Jadiel. Mane sira-neʼe mak funu-naʼin neʼebé kbiit boot, naran-boot no ulun-naʼin ba sira-nia umakain.
25 Maibé sira la hatudu laran-metin ba sira-nia beiʼala nia Maromak no adora fali maromak sira* husi povu iha rai neʼe,+ neʼebé Maromak halakon ona husi sira-nia oin.
26 Tan neʼe, Izraél nia Maromak book Liurai Pul husi rai-Asíria nia laran,+ atu nuneʼe nia lori ema Ruben, ema Gad, no suku Manasés nia sorin balu hodi sai dadur. Nia lori sira ba Hala, Habor, Hara no Mota Gozan,+ neʼebé sira sei hela bá toʼo ohin loron. Liurai Pul nia naran seluk mak Tilgat-Pilneser.+
Nota-rodapé
^ Ka “nia hafoʼer ninia aman nia toba-fatin”.
^ Ka “sidade kiʼik sira neʼebé haleʼu”.
^ Neʼe katak Jeroboão II.
^ Orj., “no sama rama-inan”.
^ Haree “Nefes” iha Glosáriu.
^ Haree “Ezíliu” iha Glosáriu.
^ Ka “halo prostituisaun ho maromak sira”.
