Maromak mak kria Diabu ka lae?
Bíblia nia resposta
Bíblia fó sai katak laʼós Maromak mak kria Diabu. Maibé, Maromak nia kriatura ida mak hili rasik atu sai Diabu. Kona-ba Maromak, Bíblia dehan: “Ninia serbisu mak perfeitu, tanba ninia dalan sira hotu mak loos. Maromak laran-metin, nia sempre hatudu justisa, nia iha hahalok loos no laran-loos.” (Deuteronómio 32:3-5) Husi liafuan neʼe, ita bele hatene katak foufoun Diabu Satanás mak anju ida neʼebé perfeitu no iha hahalok loos nuʼudar Maromak nia oan.
Iha João 8:44, Jesus dehan katak Diabu “la kaer metin ba lia-loos”, neʼe katak foufoun Satanás iha hahalok loos no moos.
Maibé, hanesan ho Jeová nia kriatura seluk hotu, anju neʼebé ikusmai sai Satanás mós iha liberdade atu hili kona-ba buat neʼebé loos ka sala. Nia uza liberdade neʼe atu kontra hasoru Maromak no book Adão no Eva atu la halo tuir Maromak. Tan neʼe, anju neʼe sai Satanás, neʼebé signifika “Kontradór”.—Génesis 3:1-5; Apokalipse 12:9.
Karik Ita sei gosta
PERGUNTA KONA-BA BÍBLIA
Diabu iha duni ka lae?
Diabu mak ema nia hahalok aat iha sira-nia laran ka nia mak iha duni?
PERGUNTA KONA-BA BÍBLIA
Diabu hela iha neʼebé?
Bíblia hatete katak diabu duni sai tiha ona husi lalehan. Agora nia iha neʼebé?
MATAN-MORIS BÁ!
Bíblia hanorin saida kona-ba espiritizmu?
Maski ema barak hanoin katak filme buan sei la lori perigu ba ema, maibé Bíblia fó avizu mai ita atu hadook an husi buat sira-neʼe. Tanbasá?
PERGUNTA KONA-BA BÍBLIA
Diabu haree hanesan saida?
Bainhira Bíblia kompara Diabu ho samea boot ka leaun ida, neʼe katak Diabu haree hanesan neʼe duni ka lae?
KONA-BA AMI
Husu atu hetan vizita
Halo diskusaun kona-ba Ita-nia pergunta ruma neʼebé liga ho Bíblia, ka aprende liután kona-ba Testemuña ba Jeová.