பூமியிலிருந்தபோது, இயேசு மக்கள்மேல் ரொம்ப அன்பு வைத்திருந்தார்; தன்னுடைய உயிரையே அவர்களுக்காகக் கொடுத்தார். (மத்தேயு 20:28; யோவான் 15:13) மக்கள்மேல் இருக்கும் அன்பை இயேசு மறுபடியும் நிரூபிப்பார். சீக்கிரத்தில், கடவுளுடைய அரசாங்கத்தின் ராஜாவாக தனக்கிருக்கும் அதிகாரத்தைப் பயன்படுத்தி, ‘பூமி முழுவதும் போர்களுக்கு முடிவுகட்டுவார்.’—சங்கீதம் 46:9.

 இயேசு என்ன செய்யப்போகிறார் என்று பைபிள் சொல்கிறது:

•   “ஏழைகளின் கூக்குரலைக் கேட்டு அவர் உதவி செய்வார். எளியவனுக்கும் ஆதரவற்றவனுக்கும் கைகொடுப்பார். ஏழை எளியவர்கள்மேல் பரிதாபப்படுவார். ஏழைகளின் உயிரைக் காப்பாற்றுவார். கொடுங்கோல் ஆட்சியிலிருந்தும் வன்முறையிலிருந்தும் அவர்களை விடுவிப்பார்.”—சங்கீதம் 72:12-14.

 இயேசு நமக்காக செய்த எல்லாவற்றுக்காகவும், இனிமேல் செய்யப்போகிறவற்றுக்காகவும் நாம் எப்படி நன்றி காட்டலாம்? தன்னுடைய மரணத்தை நினைத்துப் பார்க்கும்படி லூக்கா 22:19-ல் இயேசு சீஷர்களிடம் சொன்னார். அதனால்தான், ஒவ்வொரு வருஷமும் இயேசுவின் மரணத்தை நினைத்துப் பார்ப்பதற்காக யெகோவாவின் சாட்சிகள் ஒன்றாகக் கூடிவருகிறார்கள். இந்த வருஷம், மார்ச் 24 ஞாயிற்றுக்கிழமை அன்று நடக்கப்போகும் நினைவுநாள் நிகழ்ச்சிக்கு உங்களையும் அழைக்கிறோம்.

நினைவுநாள் நிகழ்ச்சி நடக்கும் இடம்