Orasẹ̌ ini, informasi sěbạe masahawụ mahumpạ su jutane taumata, tawẹ soale nicetakẹ̌, arau bọu radio, televisi, dingangu Internet. Ělangu ”Mawung katěngadẹ̌” madiri měnawuhẹ̌ informasi konti, maning lai tawe sangaja. (Mz 31:5; Kel 23:1) Informasi konti kụ nihabarẹ̌ su taumata wal᷊inẹ ene sarung makawahaya. Gunang makasingkạ sěmbaụ habarẹ̌ ene kahěngang, pẹ̌tiněna hal᷊ẹ̌ ini:

• ’Apa informasi ini bọu taumata botonge kapěngimangeng?’ Tau něhabarẹ̌ sěmbaụ informasi aramanung běga kěbị faktane. Su tempong taumata měnurusẹ̌ sěmbaụ informasi su taumata wal᷊inẹ, informasi ene biasane sarung mẹ̌bal᷊ui. Hakị u ene, pakaingatẹ̌ mạeng i kau běga i sai simbul᷊u informasi ene. Kụ, ual᷊ingu i sire apang piạ hak istimewa su sidang pẹ̌pangimangengu anạu sěmbaụ, i sire lai harusẹ̌ limembong maingatẹ̌ tadeạu abe sarang měnurusẹ̌ informasi bědang tawe tantu nihino

• ’Apa ini fitnah?’ Mạeng informasi ene makarusa arengu taumata arau sěmbaụ kelompok, kapaelange kuhạe měnurusẹ̌ ene.​—Amsal 18:8; Flp 4:8

• ’Apa informasi ini masuẹ̌ su akal᷊ẹ̌?’ Pakaingatẹ̌ mạeng makaringihẹ̌ běke arau pengalaman sěbạe makạlaherang

PẸ̌BIALA VIDEO CARA MENGHENTIKAN GOSIP. BỌU ENE SIMBAHE MANGA KAKIWAL᷊O INI:

• Tumuhụ Amsal 12:18, apa bahaya bọu bawerang i kitẹ?

• Kerea Filipi 2:4 makatul᷊ung si kitẹ tadeạu matahuěna su tempong mẹ̌bisara soal u taumata wal᷊inẹ?

• Apa harusẹ̌ koateng i kitẹ mạeng piạ u něnětạ nẹ̌bisara ral᷊akị soal u taumata wal᷊inẹ?

• Těntal᷊ang bědang tawe nẹ̌bisara soal u taumata wal᷊inẹ, kakiwal᷊o apa botonge tiněnang i kitẹ?