11:1-4, 6-9

Kangerẹ su Babelẹ̌, Yehuwa němal᷊ui bawerang taumata hakị u ene taumata apang tawe matuhụ nasal᷊iawuhẹ̌ sarang patikụ dunia. Katewe orasẹ̌ ini, i Sie napakasěmbaụ ”komol᷊ang gěguwạ” taumata bọu haghing bangsa lai bawera dingangu ”sěmbaụ bawera murni”. Timonane tadeạu i sire botonge ”mẹ̌kui su areng Yehuwa gunang mẹ̌tahamawu si Sie sěngkasio”. (Zef 3:9; Why 7:9) ”Bawera murni” ene kai katěngadẹ̌ soal i Yehuwa dingangu kapulu-Ne kụ seng nilahẹ su Alkitapẹ̌.

Su tempong taumata měngěndung bawera wuhu, i sie bal᷊inẹ kětạeng měhafalẹ̌ manga bawerane. I sie lai harusẹ̌ masingkạ cara mẹ̌tiněna bọu taumata apang měpẹ̌pakẹ bawera ene. Kerene lai, su tempong měngěndung bawera murni, cara i kitẹ mẹ̌tiněna ene harusẹ̌ bal᷊uiang. (Rm 12:2) Pẹ̌bawal᷊ui ini harusẹ̌ turusẹ̌ koateng i kitẹ gunang měndiagạ kasasěmbaụ umatu Mawu.​—1 Kor 1:10.