Su tempong piạ barang dal᷊akị nariadi, taumata biasane mẹ̌kiwal᷊o, ”Kawe ini nariadi?” I kitẹ tantu mal᷊uasẹ̌ ual᷊ingu Alkitapẹ̌ simimbahẹ̌ kakiwal᷊o ene!

1. Kerea Setang nakarěntang karal᷊akisẹ̌ su dunia?

Setang arau Iblis limawang su Mawu. Setang mapulu makoạ měngangawasa, hakị u ene i sie něngahạ taumata humotong, i Adam dingangi Hawa, gunang tumol᷊e si sie lumawang Mawu. Setang někoạ ene su tempong nẹ̌konti si Hawa. (Kejadian 3:​1-5) I sie někoạ si Hawa nẹ̌tiněna Yehuwa něnahang hal᷊ẹ̌ mapia bọu i Hawa. I sie mẹ̌sul᷊ungu naul᷊ị taumata botonge měbiahẹ̌ mal᷊uasẹ̌ maning tawe tumuhụ su Mawu. Setang naul᷊ị konti humotong su tempong i sie naul᷊ị i Hawa tawe mate. Hakị u ene, Alkitapẹ̌ nẹ̌sěbạ Setang kai ”tahakontiang dingangu amangu manga tahakontiang”.​—Yohanes 8:​44.

2. I Adam dingangi Hawa němile někoạ apa?

Yehuwa sěbạe maělugẹ̌ si Adam dingangi Hawa. I Sie naul᷊ị i sire botonge kumaěng kěbị buang kalu su taman Eden, kecuali buah bọu sěmbaụ kalu. (Kejadian 2:​15-​17) Katewe, i rẹ̌dua němutusẹ̌ gunang kumaěng buah bọu kalu nisědingu Mawu. I Hawa ”něnipo kụ kimaěng buah ene”. Bọu ene, i Adam ”lai kimaěng buah ene”. (Kejadian 3:6) I rẹ̌dua tawe timuhụ su Mawu. Sěběnarẹ̌e, ual᷊ingu i Adam dingangi Hawa nasukụ, i rẹ̌dua tawẹ apa kapulu gunang měkoạ barang nẹ̌sal᷊a. Hakị u ene, su tempong tawe timuhụ su Mawu, i rẹ̌dua sangaja někoạ ene. Bọu ene, i rẹ̌dua nakoạ taumata marosa kụ madiri atorang karạ u Mawu.​—Kejadian 3:​16-​19.

3. Apa pengaruh putusang i Adam dingangi Hawa si kitẹ?

Su tempong i Adam dingangi Hawa nẹ̌dosa, i rẹ̌dua nakoạ tawe nasukụ, kụ i rẹ̌dua něnurusẹ̌ keadaan tawe nasukụ ene su kěbị hiteng i rẹ̌dua. Alkitapẹ̌ nẹ̌bisara soal i Adam: ”Dosa simuẹ̌ su ral᷊ungu dunia limiung sěngkatau, kụ papate siměpụ ual᷊ingu dosa, bọu ene papate timěpasẹ̌ su kěbị taumata.”​—Roma 5:​12.

I kitẹ nasigěsạ ual᷊ingu haghing alasang. Pẹ̌sěngsul᷊ẹ, i kitẹ nasigěsạ ual᷊ingu putusang nẹ̌sal᷊a nikoạ i kitẹ. Arau, i kitẹ nasigěsạ ual᷊ingu putusang nẹ̌sal᷊a nikoạ u taumata wal᷊inẹ. Pẹ̌sěngsul᷊ẹ lai, i kitẹ nasigěsạ ual᷊ingu i kitẹ ene su tampạ nẹ̌sal᷊a lai su tempo nẹ̌sal᷊a.​—Basa Pengkhotbah 9:​11.

 BANGKA PAKARAL᷊UNG

4. I sai nakakoạ si kitẹ nasigěsạ?

Lawọ taumata mangimang Mawu měngẹ̌ngawasa dunia ini. Apa ene kahěngang? Putarẹ̌ VIDEONE.

Basa Yakobus 1:​13 dingangu 1 Yohanes 5:​19, bọu ene bisarai kakiwal᷊o ini:

• Apa Mawu nakarěntang kasasigěsạ dingangu karal᷊akisẹ̌?

5. Ual᷊ingu Setang nakoạ měngangawasa dunia, apa nariadi?

1. I Adam dingangi Hawa nasukụ kụ mětẹ̌tanạ su Firdaus. Katewe i rẹ̌dua dimaringihẹ̌ su Setang kụ limawang si Yehuwa

2.   Ual᷊ingu i sire limawang, dunia napenẹu dosa, kasasigěsạ, dingangu papate

3. Yehuwa sarung mapakailang dosa, kasasigěsạ, dingangu papate. Kụ, taumata sarung saụ makoạ masukụ dingangu mẹ̌tanạ su Firdaus

6. Yehuwa mapadul᷊i su tempong i kitẹ nasigěsạ

Apa Mawu mapadul᷊i su tempong i kitẹ nasigěsạ? Pẹ̌tiněna apa niwohẹ i Datu Daud dingangi Rasul Petrus. Basa Mazmur 31:7 dingangu 1 Petrus 5:​7, bọu ene bisarai kakiwal᷊o ini:

• Kerea pěndangu su tempong nakasingkạ i Yehuwa měmẹ̌manda dingangu mapadul᷊i su kasasigěsạ i kitẹ?

 RINGKASAN

Setang arau Iblis, i Adam, dingangi Hawa nakarěntang karal᷊akisẹ̌ su dunia. Yehuwa sěbạe mapadul᷊i su tempong i kitẹ nasigěsạ, kụ seng mal᷊ighạ i Sie sarung mapakailang kasasigěsạ i kitẹ.

Apa seng nikaěndungangu?

• Konti apa niul᷊ịu Setang arau Iblis si Hawa?

• Apa pengaruh putusang i Adam dingangi Hawa si kitẹ?

• Kerea i kitẹ masingkạ i Yehuwa mapadul᷊i su tempong i kitẹ nasigěsạ?