SOMO YA 17

Yesu Ni Mutu wa Namna Gani?

CHAGUA LUGA

Wakati tunajifunza mambo mingi yenye Yesu alisema na kufanya ku dunia, tunavumbula sifa mingi zenye zinafanya tumupende Yesu na Baba yake, Yehova. Ni sifa gani? Na namna gani tunaweza kufuata mufano wa Yesu mu maisha yetu?

1. Nini njo inaonyesha kama Yesu iko sawa vile Baba yake?

Kwa miaka mingi sana, kule mbinguni, Yesu ameangalia namna Baba yake mwenye upendo anatendaka, na amejifunza kutenda sawa vile Baba yake. Njo maana Yesu anawazaka, anatendaka, na kujisikia sawa vile Baba yake. (Soma Yohana 5:19.) Yesu anaonyeshaka sifa za Baba yake muzuri sana. Njo maana alisemaka hivi: “Kila mutu mwenye ameniona mimi amemuona Baba pia.” (Yohana 14:9) Wakati utaendelea kujifunza juu ya sifa za Yesu, utamujua Yehova muzuri zaidi. Kwa mufano, Yesu alikuwa anahangaikia sana watu. Ile inaonyesha kama Yehova naye anakuhangaikia.

2. Yesu amefanya nini juu ya kuonyesha kama anamupenda Yehova?

Yesu alisema hivi: “Ili ulimwengu ujue kwamba ninamupenda Baba, ninafanya kama vile Baba aliniamuru.” (Yohana 14:31) Wakati Yesu alikuwa ku dunia, alionyesha kama anamupenda sana Baba yake kwa kumutii hata wakati ilikuwa nguvu kumutii. Tena, alikuwaka napenda kuambia wengine juu ya Baba yake na kuwasaidia wakuwe marafiki wa Baba yake.—Yohana 14:23.

3. Yesu amefanya nini juu ya kuonyesha kama anapenda watu?

Biblia inaonyesha kama Yesu anapenda zaidi sana wanadamu. (Mezali 8:31, maelezo ya chini) Yesu alifanya mambo mingi juu ya kuonyesha kama anapenda watu. Alikuwa anawatia moyo na alikuwa anawasaidia. Miujiza yake haikuonyesha tu kama iko na nguvu, lakini ilionyesha pia kama iko na huruma. (Marko 1:40-42) Alitendea watu wote muzuri bila kuwabagua. Maneno yake ilituliza na kupatia tumaini watu wote wenye walikuwa na nia ya muzuri wenye walikuwa wanamusikiliza. Yesu alikubali hata kuteseka na kufa, juu tu anapenda sana wanadamu. Lakini, anapenda zaidi sana wale wenye wanafuata mafundisho yake.—Soma Yohana 15:13, 14.

TUJIFUNZE MAMBO MINGI ZAIDI

Tuchunguze zaidi sifa za Yesu na tuone namna tunaweza kuonyesha wengine kama tunawapenda na tunawahangaikia sawa vile Yesu.

4. Yesu anapenda Baba yake

Matendo ya Yesu inatufundisha namna tunaweza kuonyesha kama tunamupenda Mungu. Musome Luka 6:12 na Yohana 15:10; 17:26. Kisha kusoma kila andiko, muzungumuzie hii ulizo:

Namna gani tunaweza kuonyesha kama tunamupenda Yehova sawa vile Yesu?

Yesu alimupenda Baba yake wa mbinguni na alikuwa anasali kwake mara mingi

5. Yesu anahangaikiaka watu

Yesu alikuwa anahangaikia sana watu kuliko vile alikuwa anajihangaikia. Hata wakati alikuwa amechoka sana, alitumia wakati na nguvu yake juu ya kusaidia wengine. Musome Marko 6:30-44, na kisha muzungumuzie hii maulizo:

Yesu alifanya nini juu ya kuonyesha kama anahangaikia wengine?—Ona mustari wa 31, 34, 41, na 42.
Nini njo ilichochea Yesu kusaidia watu?—Ona mustari wa 34.
Juu Yesu alionyesha sifa sawa za Yehova, ile inakufundisha kama Yehova naye iko na sifa gani?
Tunaweza kufanya nini juu ya kuonyesha kama tunahangaikia wengine sawa vile Yesu?

6. Yesu haiko muchoyo

Yesu hakukuwa muchoyo hata kama hakukuwa na vitu mingi, na alitutia moyo tukuwe napatia wengine. Musome Matendo 20:35, na kisha muzungumuzie hii ulizo:

Yesu anasema tunapaswa kufanya nini juu tukuwe na furaha?

Muangalie VIDEO, na kisha muzungumuzie ulizo yenye kufuata.

VIDEO: “Kuko Furaha Zaidi Katika Kutoa”—Sehemu (4:00)

Namna gani tunaweza kutoa hata kama hatuna vitu mingi?

Unajua?

Biblia inatuambia tukuwe nasali kwa Yehova mu jina ya Yesu. (Soma Yohana 16:23, 24.) Wakati tunafanya vile, tunaonyesha kama tuko na shukrani juu ya mambo yenye Yesu amefanya ili kutusaidia tukuwe marafiki wa Yehova.

WATU FULANI WANASEMAKA: “Mungu haonake mateso yetu.”

Juu Yesu anaonyeshaka sifa sawa za Yehova, namna gani matendo yake inaonyesha kabisa kama Yehova anatuhangaikia?

KWA KIFUPI

Yesu anamupenda Yehova na anapenda watu. Juu Yesu anaonyeshaka sifa sawa za Yehova, wakati tunaendelea kujifunza juu yake, tunafikia kumujua Yehova muzuri zaidi.