SOO-JEONG, mushauri mumoja wa masomo ya sekondari katika inchi ya Korea Kusini, anatumia video za jw.org katika masomo ili kufundisha wanafunzi wake. Anasema hivi: “Wanafunzi wanafurahia sana video Rafiki wa Kweli Ni Nani? Kisha kuangalia video hiyo, walisema hivi: ‘Sijakuwaka na mawazo kama hayo juu ya kufanya urafiki. Hii ni njia mupya ya kufundisha!’ Wanafunzi fulani walisema kama watafungua adresi hiyo ya Internete kila wakati watakuwa na lazima ya mashauri.” Soo-jeong anasema tena hivi: “Nimetia moyo walimu wengi watumie video hiyo, na wamefurahi kupata chombo hicho kizuri cha kutumia ili kufundisha katika masomo yao.”

Video ingine yenye wanafunzi wengi katika inchi ya Korea Kusini waliona kuwa iliwasaidia, ni picha kwenye ubao Umushinde Mwenye Kukuchokoza Bila Kumupiga. Mwalimu mumoja mwenye kutumika pamoja na Shirika la Kuzuia Jeuri Yenye Kufanywa na Vijana (Kiingereza), alionyesha wanafunzi video hiyo. Alisema hivi: “Wanafunzi wengi walipendezwa na video hiyo kwa sababu ya picha zake zenye kuvutia. Tena, video hiyo inafaa kabisa kwa sababu haionyeshe tu njia za kupambana na jeuri lakini pia inaonyesha njia mbalimbali za kuizuia.” Shirika hilo liliomba ruhusa ya kutumia video hiyo ili kufundisha wanafunzi kwenye masomo ya musingi na ya sekondari. Jambo hilo lilikubaliwa. Hata polisi wanatumia video zenye kupatikana kwenye jw.org.

Sababu gani usifungue adresi hiyo ya Internete kama haujafanya hivyo? Ni mwepesi sana kutumia adresi hiyo na kupakua (télécharger) bila kulipa habari za kusikiliza tu, video, na hata pia Biblia na vichapo vingine vingi.