ENDELEA KUKESHA!
Je, Kweli Kombe la Dunia Linaweza Kuwaunganisha Watu?—Biblia Inasema Nini?
Inakadiriwa kwamba watu bilioni tano watatazama michezo ya Kombe la Dunia ya FIFA inayofanywa kuanzia Novemba 20 hadi Desemba 18, 2022. Watu wengi wanahisi kwamba matukio kama hayo ya michezo yana uwezo wa kutimiza mengi kuliko kuwakutanisha mashabiki tu.
“Michezo ina uwezo wa kubadili ulimwengu. Ina nguvu za kuwachochea watu. Ina nguvu za kuunganisha watu katika njia ya pekee.—Nelson Mandela, aliyekuwa rais wa Afrika Kusini.
“Mpira . . . unatuunganisha katika tumaini, unatuunganisha katika shangwe, unatuunganisha kwa kutupatia mchachawo wa kutenda, na unatuunganisha katika upendo, licha ya tofauti zetu.”—Gianni Infantino, rais wa FIFA. a
Je, Kombe la Dunia au tukio lolote la michezo linaweza kutimiza malengo kama hayo ya juu? Je, kuna tumaini la kupata amani na umoja?
Je, ni chanzo cha umoja?
Kombe la dunia la mwaka huu limehusisha mambo mengi kuliko mpira. Michezo hiyo imetokeza majadiliano juu ya masuala ya kijamii na ya kisiasa yanayohusu haki za kibinadamu, ubaguzi wa rangi, na usawa wa kiuchumi.
Hata hivyo, watu wengi huona kwamba mchezo wa kimataifa kama vile Kombe la Dunia huandaa burudani. Hata hivyo, matukio hayo hayawezi kuleta umoja wa kudumu hata ingawa watu wangependa hilo. Badala yake, mara nyingi yanatokeza mitazamo na matendo yanayosababisha migawanyiko ambayo Biblia ilisema ingekuwa ishara ya kipindi kinachoitwa “siku za mwisho.”—2 Timotheo 3:1-5.
Tumaini la kweli la umoja ulimwenguni
Biblia inatupa tumaini la kweli la kuleta umoja ulimwenguni. Inaahidi kwamba watu wote duniani wataunganishwa chini ya serikali ya mbinguni inayoitwa “Ufalme wa Mungu.”—Luka 4:43; Mathayo 6:10.
Mfalme wa Ufalme huo, Yesu Kristo, atahakikisha kutakuwa na amani ulimwenguni pote. Biblia inasema hivi:
“Mwadilifu atasitawi, na amani itakuwa nyingi.”—Zaburi 72:7.
“Atamwokoa maskini anayelilia msaada . . . atawaokoa kutoka katika ukandamizaji na ukatili.”—Zaburi 72:12, 14.
Hata leo, tayari mafundisho ya Yesu yamewaunganisha mamilioni ya watu katika nchi 239. Wamejifunza kuacha kuwa na chuki. Ili ujifunze mengi zaidi, soma mfululizo wa makala zenye kichwa “Jinsi ya Kushinda Chuki.”
a Fédération Internationale de Football Association, shirikisho la mpira wa miguu duniani.
Huenda Ukapenda Pia
MAJIBU YA MASWALI YA BIBLIA
Amani Duniani—Kwa Nini Haipatikani?
Jitihada za wanadamu za kuleta amani duniani hazijafanikiwa. Chunguza sababu kadhaa.
MAJIBU YA MASWALI YA BIBLIA
Ni Nini Ishara ya “Siku za Mwisho”?
Biblia ilitabiri mambo mengi ambayo yangetukia wakati uleule na kuwasaidia watu kutambua siku za mwisho.
HABARI ZAIDI
Tumaini Bora la Wakati Ujao
Kwa nini ahadi zinazopatikana katika Biblia ni tofauti na ahadi na utabiri unaotolewa na wanadamu?
ESSENTIAL BIBLE TEACHINGS
Ufalme wa Mungu Ni Nini?
Wakati wa huduma yake duniani, Yesu alifundisha kuhusu Ufalme wa Mungu kuliko habari nyingine yoyote. Kwa karne nyingi, wafuasi wake wamesali kwamba Ufalme huo uje.
MNARA WA MLINZI
Ufalme wa Mungu
Kuna mambo sita kuhusu Ufalme huo yanayothibitisha kwamba hautakuwa na ufisadi hata kidogo.
KUTUHUSU
Omba Utembelewe
Zungumzia swali la Biblia, au ujifunze mengi zaidi kuhusu Mashahidi wa Yehova.
