Je, Yohana Mbatizaji Alikuwa Mtu Halisi?
Masimulizi ya Injili yanamtaja mwanamume anayeitwa Yohana Mbatizaji, aliyehubiri kuhusu Ufalme wa Mungu katika eneo la Yudea. Je, masimulizi ya Biblia kumhusu Yohana ni sahihi? Fikiria mambo haya:
Biblia inasema: “Yohana Mbatizaji alikuja kuhubiri katika nyika ya Yudea, akisema: ‘Tubuni, kwa maana Ufalme wa mbinguni umekaribia.’” (Mathayo 3:1, 2) Je, vyanzo vingine vya kihistoria vinathibitisha maneno hayo? Ndiyo.
Flavio Yosefo, mwanahistoria wa karne ya kwanza alimzungumzia mwanamume anayeitwa “Yohana, aliyeitwa Mbatizaji,” ambaye “aliwahimiza Wayahudi kuishi maisha ya uadilifu,” wawe na “ujitoaji kimungu,” na “wabatizwe.”—Jewish Antiquities, Buku la 18.
Biblia inasema kwamba Yohana alimkaripia Herode Antipa, mtawala wa wilaya ya Galilaya na Perea. Herode alidai kuwa Myahudi anayeishi kupatana na Sheria. Yohana alimkosoa Herode kwa kumwoa Herodia, mke wa ndugu-nusu yake. (Marko 6:18) Jambo hilo limezungumziwa pia na vyanzo vingine tofauti na Biblia.
Mwanahistoria Yosefo alisema kwamba Antipa “alivutiwa kimapenzi na Herodia” na “aliamua kuwasilisha ombi la kufunga ndoa na mwanamke huyo bila aibu.” Herodia alikubali ombi hilo na kumwacha mume wake ili kuolewa na Antipa.
Biblia inasema kwamba “watu kutoka Yerusalemu na Yudea yote na maeneo yote yaliyokuwa karibu na Yordani walikuwa wakimwendea [Yohana], naye akawabatiza katika Mto Yordani.”—Mathayo 3:5, 6.
Yosefo aliunga mkono jambo hilo, na akaandika kwamba “umati” wa watu walikuja kumwona Yohana na kwamba watu hao “walichochewa [au, kuamshwa] kwa kiwango kikubwa na mahubiri yake.”
Ni wazi kwamba Yosefo, mwanahistoria wa karne ya kwanza alimtambua Yohana Mbatizaji kuwa mtu halisi. Sisi pia tunaweza kuwa na uhakika huo.
Huenda Ukapenda Pia
MAJIBU YA MASWALI YA BIBLIA
Yohana Mbatizaji Alikuwa Nani?
Alikuwa na ujumbe wa kinabii ambao ulitayarisha mioyo ya Wayahudi wengine ili waweze kumtambua Masihi.
YESU—NJIA, KWELI, NA UZIMA
Yohana Mbatizaji Atayarisha Njia
Baadhi ya Mafarisayo na Masadukayo wanapomjia Yohana, anawashutumu. Kwa nini?
YESU—NJIA, KWELI, NA UZIMA
Yesu Aongezeka Naye Yohana Apungua
Wanafunzi wa Yohana Mbatizaji wana wivu, ingawa Yohana hana wivu.
MNARA WA MLINZI
Kwa Nini Unaweza Kuamini Vitabu vya Injili vya Biblia?
AMKENI!
Biblia—Je, Kweli ‘Imeongozwa na Roho ya Mungu’?
Baadhi ya watu wanafikiri kwamba kwa njia fulani Biblia ina uhusiano na Mungu. Wengine wanaiona kuwa mkusanyo wa hekaya za kale, historia, na mafundisho ya wanadamu.
