ENDELEA KUKESHA!
2023: Mwaka Uliojaa Msukosuko—Biblia Inasema Nini?
Katika mwaka wa 2023, matukio ulimwenguni yalitoa uthibitisho usiopingwa kwamba tunaishi katika kipindi ambacho Biblia inakiita “siku za mwisho.” (2 Timotheo 3:1) Ona jinsi matukio ya karibuni yanavyopatana na kile ambacho Biblia ilitabiri kingetukia katika siku zetu.
Biblia na matukio ya ulimwengu
“Vita na habari za vita.”—Mathayo 24:6.
“Mapambano yenye jeuri yanazidi kuongezeka katika maeneo mengi ulimwenguni.” a
Ona makala yenye kichwa “Ni Nani Atakayewaokoa Raia?” na “Ulimwengu Watumia Zaidi ya Dola Trilioni 2 kwa Ajili ya Matumizi ya Kijeshi.”
“Matetemeko ya ardhi sehemu mbalimbali.”—Marko 13:8.
“Tangu mwanzo wa 2023, kumekuwa na matetemeko 13 ulimwenguni yenye kipimo cha zaidi ya 7 kwenye kipimo cha Richter, jambo ambalo halijawahi kutokea tangu rekodi zilipoanza kuhifadhiwa.” b
Ona makala yenye kichwa “Matetemeko Makubwa ya Ardhi Yatokea Uturuki na Syria.”
“Mambo yenye kuogopesha.”—Luka 21:11.
“Enzi za kupanda kwa kiwango cha joto ulimwenguni zimekwisha; enzi za ulimwengu kuchemka kwa joto zimewadia.”—António Guterres, katibu mkuu wa Umoja wa Mataifa. c
Ona makala yenye kichwa “Joto Kali Kupita Kiasi la 2023.”
“Upungufu wa chakula.”—Mathayo 24:7.
“2023: Mwaka mwingine wa hali ngumu sana kwa wote wanaopambana kulisha familia zao.” d
Ona makala yenye kichwa “Ukosefu wa Chakula Ulimwenguni Unatokezwa na Vita na Mabadiliko ya Hali ya Hewa.”
“Nyakati za hatari zilizo ngumu kushughulika nazo.”—2 Timotheo 3:1.
“Mtu mmoja kati ya nane ulimwenguni pote wanaishi wakiwa na matatizo ya afya ya akili.” e
Ona makala yenye kichwa “Matatizo ya Afya ya Akili ya Vijana Yameongezeka Sana.”
Tunaweza kutarajia nini katika mwaka wa 2024?
Hakuna anayeweza kusema kwa uhakika ni mambo gani yatakayotokea katika mwaka wa 2024. Lakini matukio ya ulimwengu yanaonyesha kwamba hivi karibuni Ufalme wa Mungu, au serikali ya mbinguni, itachukua mahali pa serikali za wanadamu na kuleta mwisho wa mambo yote yanayotusababishia mahangaiko na kutufanya tuteseke.—Danieli 2:44; Ufunuo 21:4.
Kwa sasa, tunapopatwa na wasiwasi, tunaweza kumtegemea Mungu atusaidie. Biblia inasema hivi:
“Ninapoogopa, ninakutumaini wewe.”—Zaburi 56:3.
Tunawezaje kuonyesha kwamba tunamtumaini Mungu? Tunakualika ujifunze mengi zaidi kuhusu ahadi ya Biblia kuhusu wakati ujao ambao hautakuwa na kuteseka. Jaribu kujifunza Biblia ukiongozwa na mwalimu bila malipo uone jinsi wewe na familia yako mnavyoweza kunufaika kutokana na ahadi za Biblia.
a Jarida Foreign Affairs, “Ulimwengu Uko Vitani: Ni Nini Kinachofanya Sasa Hivi Kuwe na Mapambano Mengi Sana Yenye Jeuri?” imeandikwa na Emma Beals na Peter Salisbury, Oktoba 30, 2023.
b Jarida Earthquake News, “Mwaka 2023: Idadi ya Matetemeko Makubwa ya Ardhi Inakaribia Kuweka Rekodi,” Mei, 2023.
c Umoja wa Mataifa, “Maelezo ya Ufunguzi ya Katibu Mkuu Wakati wa Mkutano na Waandishi wa Habari Kuhusu Hali ya Hewa,” Julai 27, 2023.
d Programu ya Chakula Ulimwenguni, “Tatizo la Chakula Ulimwenguni.”
e Shirika la Afya Ulimwenguni, “Siku ya Afya ya Akili Ulimwenguni ya 2023,” Oktoba 10, 2023.
Huenda Ukapenda Pia
HABARI ZAIDI
Tumaini Bora la Wakati Ujao
Kwa nini ahadi zinazopatikana katika Biblia ni tofauti na ahadi na utabiri unaotolewa na wanadamu?
ESSENTIAL BIBLE TEACHINGS
Ufalme wa Mungu Ni Nini?
Wakati wa huduma yake duniani, Yesu alifundisha kuhusu Ufalme wa Mungu kuliko habari nyingine yoyote. Kwa karne nyingi, wafuasi wake wamesali kwamba Ufalme huo uje.
MAJIBU YA MASWALI YA BIBLIA
Je, Ninaweza Kupata Faraja Katika Biblia?
Mistari ya Biblia imewafariji wengi wanaokabiliana na hali ngumu na kushuka moyo.
AMKENI!
Jinsi ya Kukabiliana na Mkazo
Pitia baadhi ya kanuni muhimu zinazoweza kukusaidia kukabiliana na mkazo kwa njia inayofaa na labda hata kuupunguza.
MISTARI YA BIBLIA YAFAFANULIWA
Ufunuo 21:4 Yafafanuliwa—“Naye Atafuta Kila Chozi Katika Macho Yao”
Mstari huu una ahadi nzuri ya wakati ujao.
KUTUHUSU
Omba Utembelewe
Zungumzia swali la Biblia, au ujifunze mengi zaidi kuhusu Mashahidi wa Yehova.
