1 Je, Tunapaswa Kumlaumu Mungu Tunapoteseka?
Kwa Nini ni Muhimu Kupata Jibu la Swali Hilo?
Watu wengi wanakataa kumwabudu Mungu kwa sababu wanafikiri kwamba anasababisha kuteseka.
Jambo la Kufikiria
Iwe ni moja kwa moja au la, viongozi wengi wa dini wamefundisha kwamba Mungu husababisha wanadamu wateseke. Kwa mfano, baadhi yao husema hivi:
-
Majanga ya asili ni adhabu kutoka kwa Mungu.
-
Watoto wadogo hufa kwa sababu Mungu anahitaji kuongeza malaika mbinguni.
-
Mungu anaunga mkono upande fulani katika vita, na sikuzote vita husababisha watu wengi wateseke.
Lakini je, inawezekana kwamba viongozi wa dini hawafundishi ukweli kumhusu Mungu? Ikiwa Mungu hakubaliani na mambo wanayofundisha, je tunaweza kuwaamini?
JIFUNZE MENGI ZAIDI
Tazama video Kwa Nini Ujifunze Biblia? kwenye jw.org/sw.
Mambo Ambayo Biblia Inafundisha
Mungu hasababishi kuteseka.
Ikiwa anasababisha tuteseke, basi anatenda kinyume na sifa zake zinazotajwa kwenye Biblia. Kwa mfano:
“Njia zake zote ni haki. . . . Yeye [Mungu] ni mwadilifu na mnyoofu.”—KUMBUKUMBU LA TORATI 32:4.
“Mungu wa kweli hawezi kamwe kuwazia kutenda uovu, na Mweza-Yote hawezi kamwe kutenda kosa!”—AYUBU 34:10.
“Mweza-Yote hapotoshi haki.”—AYUBU 34:12.
Mungu anazikataa dini zote zisizofundisha ukweli kumhusu.
Dini hizo zinatia ndani zile zinazofundisha kwamba Mungu anasababisha kuteseka, na pia zile zinazounga mkono vita au jeuri.
“Manabii wanatabiri uwongo katika jina langu. Sikuwatuma wala kuwaamuru wala kuzungumza nao. Wanawatabiria ninyi maono ya uwongo na . . . udanganyifu wa moyo wao wenyewe.”—YEREMIA 14:14.
Yesu alishutumu unafiki wa dini.
“Si kila mtu anayeniambia, ‘Bwana, Bwana,’ atakayeingia katika Ufalme wa mbinguni, bali yule anayefanya mapenzi ya Baba yangu aliye mbinguni ndiye atakayeingia. Wengi wataniambia siku hiyo: ‘Bwana, Bwana, je, hatukutoa unabii katika jina lako, na kufukuza roho waovu katika jina lako, na kufanya matendo mengi yenye nguvu katika jina lako?’ Ndipo nitakapowaambia: ‘Sikuwajua ninyi kamwe! Ondokeni kwangu, ninyi mnaotenda uasi sheria!’”—MATHAYO 7:21-23.
Huenda Ukapenda Pia
MAJIBU YA MASWALI YA BIBLIA
Je, Mungu Ndiye wa Kulaumiwa kwa Sababu ya Kuteseka Kwetu?
Mtu yeyote anaweza kuteseka—hata watu walio na kibali cha Mungu. Kwa nini?
MAJIBU YA MASWALI YA BIBLIA
Kwa Nini Mungu Aliruhusu Maangamizi ya Wayahudi?
Watu wengi wamejiuliza kwa nini Mungu mwenye upendo aliruhusu watu wateseke hivyo. Biblia inatoa majibu yenye kuridhisha!
MNARA WA MLINZI
Kuteseka kwa Wanadamu—Je, Ni Adhabu Kutoka kwa Mungu?
Je, Mungu hutumia magonjwa na majanga kuwaadhibu watu kwa sababu ya dhambi zao?
