JUNI 10, 2024
URUSI

NduguIgor Kasabov Amehukumiwa Kifungo cha Nje cha Miaka Miwili

CHEZA

Mei 14, 2024, Mahakama ya Wilaya ya Oktyabrskiy iliyo Tambov ilimhukumu Ndugu Igor Kasabov. Alihukumiwa kifungo cha nje cha miaka mwili. Hahitaji kwenda gerezani wakati huu.

Maelezo Mafupi Kumhusu

Igor Kasabov

Alizaliwa: 1955 (Baku, Azerbaijan)

Maisha Yake: Alikuwa akifanya kazi katika kiwanda cha ndege. Sasa amestaafu

Alifunga ndoa na Irina mwaka wa 1981

Yeye na mke wake walianza kujifunza Biblia na Mashahidi wa Yehova. Walifurahi sana kujifunza kwamba Mungu atarudisha amani na haki duniani. Wote wawili walibatizwa mwaka wa 1993

Maelezo ya Kibinafsi

Ni mfano wa nani katika Biblia ambao umekutia moyo?

Ninaposhuka moyo, ninafikiria kuhusu watu mbalimbali wanaotajwa katika Biblia, Kutia ndani Habakuki. Mfano wake ni wenye kutia moyo sana kwa sababu alihitaji kujifunza kumngojea Yehova. Mimi pia najitahidi kujifunza kuwa na subira. Miaka kadhaa iliyopita mke wangu alipatwa na ugonjwa wa kiharusi na mshtuko wa moyo. Kwa sababu ya hali yetu ya afya hatuwezi kutimiza mengi kama tulivyotamani. Lakini tuna uhakika kwamba Yehova bado anatuthamini. Kwa mfano tunapokabili mateso tunahisi ni kana kwamba Yehova yuko karibu nasi kuliko wakati mwingine wowote. Bado anatupenda na anatuhakikishia hilo kupitia msaada anaotuandalia.

Tuna uhakika kwamba Yehova ataendelea kuwabariki Igor na Irina kadiri wanavyoendelea kumtegemea Yeye ili awape nguvu.—Habakuki 3:19.

Mfuatano wa Matukio

Aprili 11, 2023

Nyumba ilifanyiwa Msako. Na wakachukua vifaa vyao vya kielektroni
Aprili 12, 2023

Kesi ya uhalifu ilianzishwa
Machi 28, 2024

Kesi ya uhalifu ilianza
Mei 14, 2024

Hukumu ya kifungo cha nje cha miaka miwili ilitolewa

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI