“Hakuna Kitu Chenye Thamani Kuliko Uhusiano Wangu na Yehova”

CHEZA

Januari 28, 2025, Mahakama ya Jiji la Fokinskiy iliyo katika Eneo la Primorye ilimhukumu Ndugu Aleksandr Sazhin kifungo cha nje cha miaka mitatu. Hahitaji kwenda gerezani wakati huu.

Maelezo Mafupi Kumhusu

Aleksandr Sazhin

Alizaliwa: 1971 (Fokino)

Alibatizwa: 2008

Maisha Yake: Yeye ni dereva wa teksi. Alifunga ndoa na Irina mwaka wa 1993. Wana binti mmoja

Mashtaka: Kuzungumzia Biblia na kuongoza mikutano ya kidini ya Mashahidi wa Yehova

Hukumu: Kifungo cha nje cha miaka mitatu

Maelezo ya Kibinafsi

Hali hii imebadilishaje maoni yako kuhusu vitu vya kimwili?

Kesi ya uhalifu dhidi yangu ilipoanza kusikilizwa, nililazimika kuacha kazi. Isitoshe, pesa nilizokuwa nimehifadhi kwenye benki zilizuiliwa. Lakini Yehova hakuiacha kamwe familia yangu. Nimejionea waziwazi jinsi ambavyo ametutegemeza kiroho na kutupatia vitu tunavyohitaji. Hilo linanikumbusha jambo ambalo Paulo aliwaandikia Wakristo waliokabili mateso huko Yerusalemu. Aliwaambia hivi kwenye Waebrania 10:34: “Kwa maana mliwasikitikia wale waliokuwa gerezani na pia kwa shangwe mkakubali kuporwa mali zenu, mkijua kwamba ninyi wenyewe mna urithi bora na wenye kudumu.” Baada ya kupitia mambo haya, sasa ninaelewa kwa nini Wakristo hao waliendelea kuwa na shangwe licha ya kupoteza mali zao. Hakuna kitu chenye thamani kuliko uhusiano wangu na Yehova.

Kama Aleksandr, tuna uhakika kwamba hata tukipoteza chochote kwa sababu ya imani yetu, tunaweza ‘kufurahi na kushangilia sana, kwa kuwa thawabu yetu ni kubwa mbinguni.’—Mathayo 5:12.

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI