NOVEMBA 13, 2014
TURKMENISTAN
Turkmenistan Yawaachilia Mashahidi wa Yehova Waliofungwa kwa Sababu ya Imani Yao
Kwa tukio lisilotazamiwa, Rais Gurbanguly Berdimuhamedov alitoa msamaha wa kuachiliwa huru kwa Mashahidi wa Yehova nane, waliokuwa wamefungwa nchini Turkmenistan kwa sababu ya imani yao. Walikuwa miongoni mwa wafungwa wengine walioachiliwa huru Oktoba 22, 2014. Sita kati ya Mashahidi hao walifungwa kwa kukataa utumishi wa kijeshi kwa sababu ya dhamiri na wawili kwa mashtaka ya uwongo kuhusu shughuli za kidini.
Merdan Amanov na Pavel Paymov
Wanaume Mashahidi wenye umri kati ya miaka 18 na 23, waliokataa utumishi wa kijeshi kwa sababu ya dhamiri, walifungwa kwenye kambi ya Seydi Labor Colony iliyo katika jangwa la Turkmenistan. Merdan Amanov, Pavel Paymov, Suhrab Rahmanberdyyev, na Amirlan Tolkachev walifungwa kwenye kambi ya kawaida. Matkarim Aminov na Dovran Matyakubov (hawapo kwenye picha) walifungwa kwenye kambi yenye ulinzi mkali zaidi, kwa kuwa walihukumiwa kama “watu waliorudia makosa.” Walipokuwa gerezani, wanaume hao walitendewa kwa ukatili na kuishi kwenye hali mbaya sana.
Aibek Salayev mwenye umri wa miaka 35 na Bahram Shamuradov aliye na umri wa miaka 42, Mashahidi wawili waliofungwa kwa mashtaka ya uwongo, walifungwa pia kwenye kambi ya Seydi. Wote wawili walikuwa wakitumikia vifungo vya miaka minne kwa sababu ya imani na shughuli zao za kidini. Waliteseka sana kwa sababu ya kutendewa vibaya walipokuwa chini ya kizuizi na kufungwa isivyo haki kwa msingi wa ushahidi wa uwongo.
Amirlan Tolkachev
Ni Shahidi mmoja tu, Ruslan Narkuliev, ambaye bado yupo gerezani nchini Turkmenistan. Alihukumiwa kwa kukataa utumishi wa kijeshi kwa sababu ya dhamiri majuma machache tu kabla ya kutolewa kwa msamaha wa Rais, na huenda wenye mamlaka katika Ofisi ya Rais hawakuwa na habari kumhusu msamaha ulipotangazwa. Wawakilishi wake wa kisheria wanashirikiana na wenye mamlaka nchini Turkmenistan ili aachiliwe huru.
Rais Berdimuhamedov alifanya uamuzi unaostahili pongezi kwa kuwaachilia huru wanaume hao nane waaminifu. Wanaothamini uhuru wa kidini wanatumaini kwamba uamuzi huo ni mwanzo tu wa mabadiliko nchini Turkmenistan, badiliko litakalowaruhusu Mashahidi wa Yehova waishi kulingana na dhamiri zao bila hofu ya kuteswa au kufungwa.
Huenda Ukapenda Pia
TAARIFA ZA HABARI
Armenia Yawaachilia Huru Mashahidi Wote wa Yehova Waliofungwa Gerezani
Kwa mara ya kwanza tangu mwaka wa 1993, hakuna Shahidi wa Yehova hata mmoja aliye gerezani nchini Armenia kwa kukataa kujiunga na jeshi kwa sababu ya dhamiri.
TAARIFA ZA HABARI
Mahakama ya Kyrgyzstan Yatoa Uamuzi wa Kuwatetea Wanaokataa Kujiunga na Jeshi kwa Sababu ya Dhamiri
Uamuzi wa kurekebisha sheria ya mwaka wa 2009 utawasaidia Mashahidi wa Yehova kufanya utumishi wa badala wa kiraia usiohusisha mambo ya kijeshi.
TAARIFA ZA HABARI
Kuna Tumaini kwa Mashahidi wa Yehova Nchini Uzbekistan?
Inaonekana kwamba wenye mamlaka nchini Uzbekistan wameanza kuona umuhimu wa kuzingatia haki za kibinadamu. Mashahidi wa Yehova wanatarajia kwamba hali zitabadilika na makutaniko yote yatasajiliwa.
TAARIFA ZA HABARI
Maoni ya Wataalamu Kuhusu Haki ya Kukataa Utumishi wa Kijeshi kwa Sababu ya Dhamiri
Haki ya kukataa utumishi wa kijeshi kwa sababu ya dhamiri ni haki ya msingi inayokubalika karibu katika kila nchi. Sikiliza uelewe kwa nini wataalamu wa haki za kibinadamu wanasema kwamba hivi karibuni suala hilo litatambulika ulimwenguni pote.
TAARIFA ZA HABARI
Armenia Yawaachilia Waliofungwa kwa Sababu ya Dhamiri
Uamuzi wa kesi fulani ya kihistoria ulichangiaje kufunguliwa kwa Mashahidi hawa?