Kuanzia Februari 2021, kumekuwa na vita ya wenyewe kwa wenyewe nchini Myanmar. Majuma kadhaa kabla ya Ukumbusho wa kifo cha Kristo, watu walianza kupigana katika maeneo mbalimbali. Hivyo, wengi kati ya wahubiri 5,102 nchini humo walishindwa kupata Intaneti. Njia ya badala ilitumiwa ili kuwawezesha wasikilize hotuba ya Ukumbusho, yaani, simu.

Katika jiji moja, watu walianza kufyatuliana risasi barabarani siku ya Ukumbusho. Wanajeshi walifanya msako katika nyumba za watu wakiwatafuta wanaowapinga. Ndugu zetu walifarijiwa na maneno ya andiko la mwaka la Isaya 30:15 kwamba ‘waendelee kuwa watulivu na kumtumaini Yehova.’ Hawakutoka nyumbani mwao, walizungumza kwa sauti ndogo, wakapunguza mwangaza wa taa zao, na kusherehekea Ukumbusho bila matatizo. Licha ya vita hivyo, kutaniko lilikuwa na hudhurio kubwa zaidi kuliko wakati mwingine wowote. Watu wengi walisikiliza kupitia simu.

Watu 11,877 nchini kote walihudhuria Ukumbusho. Hilo ni ongezeko la asilimia 14 hivi kwa kulinganishwa na kilele kipya kilichowekwa mwaka wa 2019.

Tuna uhakika kwamba Baba yetu wa mbinguni, Yehova Mungu, anashangilia anapoona bidii ya ndugu zetu ya kuendelea na utendaji wao wa kiroho licha ya vita hivyo.—Methali 27:11.