Kumaha Pandangan Sadérék ngeunaan Alkitab?
Ceuk Sadérék, naha . . .
-
éta téh kitabna urang Kristen?
-
eusina geus dirobah?
-
éta Firman ti Gusti?
JAWABAN ALKITAB
”Eusi Kitab Suci, sagemblengna wahyu ti Allah.”—2 Timoteus 3:16, Kitab Suci Nganggo Basa Sunda Sadidinten.
MANGPAATNA KEUR SADÉRÉK
Bisa meunangkeun jawaban tina pananya-pananya saperti: Naha urang diperhatikeun ku Gusti? Kumaha carana urang bisa bagja? jeung sajabana.—Siloka 2:1-5.
Bisa meunangkeun bingbingan keur kahirupan sapopoé.—Jabur 119:105.
Bisa boga harepan nu pasti.—Rum 15:4.
KU NAON JAWABAN ALKITAB BISA DIPERCAYA?
Sahenteuna aya tilu alesan:
-
Kabéh bagianana saluyu. Alkitab ditulis salila 1.600 taun ku kira-kira 40 jalma. Kalolobaanana mah teu silih kenal. Tapi, kabéh eusina saluyu sarta ngajungjung nami Allah jeung pamaréntahana-Na!
-
Nu nulisna jujur. Nu nulis sajarah dunya osok nutup-nutupan lamun bangsana éléh perang. Tapi, nu nulis Alkitab mah jujur, nulis ngeunaan kagagalan diri sorangan atawa bangsana.—2 Babad 36:15, 16; Jabur 51:2-6.
-
Ramalanana kabukti. Kira-kira 2.000 taun katukang, Alkitab geus ngaramalkeun kaayaan dunya nu goréng ayeuna sarta kumaha sipat jalma-jalmana.—Mateus 24:7, 8; 2 Timoteus 3:1-5.
Loba ramalan Alkitab geus laksana, malah nepi ka hal-hal nu leutik. Tangtu éta téh bukti yén Alkitab Firman ti Gusti.—2 Petrus 1:21.
PANANYA PIKEUN DIPIKIRKEUN
Kumaha Firman ti Gusti bisa ngabantu hirup Sadérék jadi leuwih hadé?
Jawabanana aya dina YESAYA 48:17, 18 jeung 2 TIMOTEUS 3:16, 17.
Tingali ogé
PANGAJARAN PENTING
Kumaha Urang Bisa Yakin yén Eusi Alkitab téh Bener?
Lamun diwahyukeun ku Allah, Alkitab sakuduna béda ti buku-buku séjén.
NGEUNAAN URANG
Ku Naon Perlu Diajar Kitab Suci?—Vérsi Lengkep
Jutaan jalma di sakuliah dunya geus meunangkeun jawaban ngeunaan masalah kahirupan tina Kitab Suci. Naha Sadérék ogé hayang?
NGEUNAAN URANG
Ménta Didatangan ku Saksi
Hayu diajar Alkitab atawa téangan leuwih loba ngeunaan Saksi-Saksi Yéhuwa.
