Jabur 60:1-12
Keur pamingpin musik: Dumasar kana ”Kembang Bakung nu Jadi Saksi”. Miktam.* Jabur karangan Daud. Pikeun ngajar. Waktu Daud merangan Aram-naharaim jeung Aram-Zoba, sarta Yoab balik tuluy ngéléhkeun 12.000 urang Édom di Lebak Uyah.
60 Nun Allah, Gusti tos nolak sarta ngéléhkeun abdi sadaya.
Gusti ambek ka abdi sadaya. Tapi ayeuna, tarima deui abdi sadaya atuh.
2 Bumi dioyag-oyag ku Gusti, disina beulah.
Panglereskeun retakan-retakanana, sabab bumi téréh runtuh.
3 Gusti ngantep umat Gusti sangsara.
Gusti masihan cianggur nepi ka abdi sadaya sasampoyongan.
4 Pasihan* tanda ka jalma-jalma nu hormat* ka GustiNgarah maranéhna kabur sarta nyingcet ti anak panah. (Sela)
5 Salametkeun abdi sadaya ku panangan katuhu Gusti sarta jawab abdi sadaya,Supaya nu dipikanyaah ku Gusti bisa disalametkeun.
6 Allah nu suci tos nyarios,*”Kuring bakal bungah waktu ngawariskeun Syikhém ka umat Kuring.
Kuring gé bakal ngukur Lebak Sukot.
7 Giléad milik Kuring, kitu deui jeung Manasyé.
Éfraim téh panutup* sirah Kuring,Yéhuda téh tongkat kakawasaan Kuring.
8 Ari Moab mah baskom pangumbahan Kuring.
Kuring bakal ngabalangkeun sendal Kuring ka Édom.
Kuring bakal surak lantaran ngéléhkeun Filistia.”
9 Saha nu rék mawa abdi ka kota nu dikepung* éta?
Saha nu rék nungtun abdi nepi ka Édom?
10 Pan éta téh Gusti, Allah abdi sadaya nu tos nolak,Nu teu nyarengan deui pasukan abdi sadaya.
11 Tulungan abdi sadaya tina kasusah ieu,Sabab kasalametan ti manusa mah taya gunana.
12 Allah bakal masihan kakuatan ka urang,Anjeunna bakal nincakan musuh-musuh urang.
Catetan Tambihan
^ Tingali Daptar Istilah.
^ Atawa bisa jadi ”Gusti tos masihan”.
^ As. ”sieun”.
^ Atawa bisa jadi ”Allah tos nyarios di tempat-Na nu suci”.
^ As. ”bénténg keur”.
^ Atawa bisa jadi ”dibénténgan”.
