Jabur 33:1-22
33 Hé jalma-jalma bener, sarurak gumbira lantaran Yéhuwa.
Geus samistina jalma bener muji Anjeunna.
2 Ucapkeun sukur ka Yéhuwa maké harpa leutik,Kawihkeun pupujian* kanggo Anjeunna maké harpa gedé.
3 Nyanyikeun lagu anyar keur Anjeunna,Sing pinter maén harpana, dibarengan ku surak gumbira.
4 Kekecapan Yéhuwa téh bener,Padamelana-Na némbongkeun yén Anjeunna bisa dipercaya.
5 Anjeunna cinta kana sagala nu bener jeung adil.
Bumi pinuh ku asih satia Yéhuwa.
6 Ku firman Yéhuwa langit dijieun,Sarta ku napas-Na* sagala nu aya di langit* dijadikeun.
7 Anjeunna ngumpulkeun cai laut kawas bendungan.
Anjeunna nyimpen cai nu motah di gudang-gudang.
8 Hé jalma-jalma di sakuliah bumi, sing hormat* ka Yéhuwa.
Mugia penduduk bumi tajub ka Anjeunna.
9 Anjeunna ngucapkeun firman, jleg éta ngajadi.
Anjeunna méré paréntah, seug kabéhanana jadi aya.
10 Siasat* bangsa-bangsa dikacowkeun ku Yéhuwa,Rencana* suku-suku bangsa digagalkeun ku Anjeunna.
11 Putusan* Yéhuwa bakal tetep aya salilana,Niat haté-Na teu robah ti jaman ka jaman.
12 Bagja bangsa nu Allahna téh Yéhuwa,Bagja umat nu dipilih ku Anjeunna jadi milik-Na.
13 Yéhuwa ningali ti sorga,Anjeunna ningali sakabéh umat manusa.
14 Ti panglinggihana-Na,Anjeunna nilik-nilik penduduk bumi.
15 Haté sadayana dibentuk ku Anjeunna,Sakabéh lalampahan maranéhna dipariksa ku Anjeunna.
16 Raja bisa salamet lain ku sabab loba pasukanna,Prajurit bisa salamet lain ku sabab gedé kakuatanana.
17 Ulah ngandelkeun kuda, éta moal matak nyalametkeun.*
Najan gedé tanagana, éta teu ngajamin kasalametan.
18 Soca Yéhuwa ngawas-ngawas jalma nu hormat* ka Anjeunna,Nu ngaharep kana asih satia-Na,
19 Lantaran Anjeunna hoyong nyalametkeun maranéhna supaya teu maotSarta ngarawat maranéhna supaya bisa tetep hirup dina mangsa kalaparan.
20 Urang mah ngaharep ka Yéhuwa.
Anjeunna téh panulung sarta taméng urang.
21 Haté urang bungah ku lantaran Anjeunna,Ku lantaran percaya kana nami-Na nu suci.
22 Nun Yéhuwa, mugia abdi sadaya terus ngarasakeun asih satia GustiSalami abdi sadaya ngantosan Gusti.
Catetan Tambihan
^ Atawa ”Pék maén musik”.
^ Atawa ”kawasa suci-Na”.
^ As. ”sakabéh pasukan-Na”.
^ As. ”sieun”.
^ Atawa ”Rencana”.
^ Atawa ”Niat”.
^ Atawa ”Rencana”.
^ Atawa ”moal méré kaunggulan”.
^ As. ”sieun”.
