Ka la 4 September 2020, Lekhotla la Setereke le motseng oa Kursk le tla etsa qeto ea hore na mor’abo rona Dennis Christensen oa lokolloa teronkong kapa che. Haesale a le teronkong ho tloha ka la 25 May 2017. Ka la 23 June 2020, Lekhotla la Setereke le toropong ea Lgov le ile la fokotsa kahlolo eo a neng a e fuoe ho tloha sethathong ea ho hoehla lilemo tse tšeletseng chankaneng. Le ile la etsa qeto ea hore mor’abo rona Christensen a patale chelete e kaalo ka M89 994 bakeng sa lilemo tse tharo tse setseng tsa kahlolo ea hae. Empa matsatsi a mabeli ka mor’a hore lekhotla le etse qeto eo, mochochisi o ile a etsa boipiletso eaba mor’abo rona Christensen ha a sa lokolotsoe.