LINAHA LE BATHO
Ho Etela Ireland
SEHLEKEHLEKE sa Emerald” se akarelletsa linaha tse peli: se seholo ke naha e ikemetseng ea Republic of Ireland ’me se senyenyane ke Northern Ireland, e leng karolo ea United Kingdom.
Giant’s Causeway
Ireland e bitsoa Sehlekehleke sa Emerald hobane ho na pula e ngata e etsang hore naha eohle e be tala. Matša a matle le linōka hammoho le lihlaba tse lebōpong la leoatle le maralla a eketsa botle ba eona.
Ntlo e ruletsoeng ka joang
Batho ba Ireland ba mamelletse mathata a maholo. Ka mohlala, ba bang ba hakanya hore hoo e ka bang ka 1845 ho isa ho 1851, batho ba ka bang milione ba ile ba bolaoa ke tlala le mafu nakong ea seoa sa lijalo tsa litapole. E le ho baleha tlala ea bo-ja-likata, batho ba bangata ba ile ba fallela linaheng tse kang Australia, Brithani, Canada le United States. Kajeno, batho ba ka bang limilione tse 35 ba Maamerika ba bolela hore baholo-holo ba bona ba hlaha Ireland.
Maaerishe a tsebahala ka ho ba batho ba pelo e ntle le ba mofuthu. Lipapali tse ngata tseo ba li bapalang li akarelletsa ho palama lipere le lipapali tse bapaloang ka sehlopha, tse kang krikete, rugby, bolo ea maoto le Gaelic football (e tšoanang le bolo ea maoto). Ka ho khetheha basali ba thabela papali e bapaloang ka sehlopha e bitsoang camogie, e tšoanang le hockey.
Hape batho ba Ireland ba rata ho qoqa le ’mino. Tantši ea maoto ea Maaerishe e tumme haholo lefatšeng ka bophara. ’Mele ea batantši ha e sisinyehe ho fihlela thekeng empa ho tsamaea maoto feela ha ba ntse ba tapa-tapa kapele.
Sehlopha sa Maaerishe
Lipaki Tsa Jehova li se li e-na le lilemo tse fetang lekholo li le teng Ireland. Hona joale, ho na le Lipaki tse fetang 6 000 tse lulang moo ’me li kopanela ka botlalo mosebetsing oa ho ruta Bibele.
’Mino oa setso oa Maaerishe o etsoa ka liletsa tsa ’mino tse kang harepa ea Celtic, liphala tse nang le mokotlana oa moea tsa Maaerishe, fiddle, korostina, phala ea lekoti-koti le moropa.
NA U NE U TSEBA?
Giant’s Causeway, e ka lebōpong le ka leboea la Northern Ireland, e akarelletsa majoe a likete-kete a bileng teng ha seretse se chesang se ileng sa foqoha se folisoa ke metsi a leoatle.
Mohlomong u ka Rata le
TSOHA!
Ho Etela New Zealand
Le hoja New Zealand e le hole batho ba ka bang limilione tse tharo ba ea moo selemo se seng le se seng. Ke eng e ikhethang ka New Zealand?
TSOHA!
Ho Etela Kazakhstan
Batho ba Kazakhstan ba ne ba phela bophelo ba hloma u hlomolle. Tsela eo ba phelang ka eona ho na joale e bontša hore na baholo-holo ba bona ba ne ba phela joang.
TSOHA!
Ho Etela Spain
Spain ke naha e nang le lintho tse ngata tse ntle. Spain e na le sejo se itseng se ikhethang se tsebahalang lefatšeng ka bophara.
TSOHA!
Ho Etela Kyrgyzstan
Baahi ba Kyrgyzstan baa hlompha ebile ba amohela baeti. Ba na le meetlo efe?
