Ka la 27 January 2023, batho ba bangata ba tla be ba ikhopotsa letsatsi la ha ho ne ho bolaoa batho ka sehloho Ntoeng ea II ea Lefatše (International Holocaust Remembrance Day). Lintho tse sehloho le tse tšosang tse ileng tsa etsahala lilemo tse 75 tse fetileng, li etsa hore batho ba ipotse hore na ke hobane’ng ha Molimo a ile a lumella hore batho ba bolaoe ka sehloho hakaale.

•   Ho fumana lintlha tse ling mabapi le hore na Bibele e re’ng ka taba ee, bala sehlooho se reng “Ke Hobane’ng ha Bajuda ba ile ba Bolaoa ka Sehloho Ntoeng ea II ea Lefatše? Ke Hobane’ng ha Molimo a sa ka a Thibela Seo?”

 Bajuda ba bangata e ile ea e-ba mahlatsipa a polao ena ’me ba limilione ba ile ba bolaoa ka morero. Batho ba bang le bona ba ile ba hlorisoa le ho bolaoa ntoeng ena ea II ea Lefatše. Ba bang ba bona e ne e le Lipaki Tsa Jehova, li ne li hlorisetsoa seo li se lumelang Bibeleng.

•   Ho ithuta lintlha tse ling bala sehlooho se reng “What Happened to Jehovah’s Witnesses During the Time of the Holocaust?” (Ho Ile ha Etsahala’ng ka Lipaki Tsa Jehova ha Batho ba ne ba Bolaoa ka Sehloho Ntoeng ea II ea Lefatše?)

 Batho ba bangata ba tšoha hore ntoa e tšoanang le ena e ka etsahala hape. Taba e thabisang ke hore Bibele e tšepisa hore nakong e tlang mathata a tšoanang le ana ha a sa tla hlola a e-ba teng.

•   “Jehova o re: ‘Ke tseba hantle hore na ke tla le etsetsa’ng. Ke tla le tlisetsa khotso eseng tlokotsi, e le hore le be le tšepo le bokamoso bo chabileng.’”—Jeremia 29:11. a

 Tšepiso ena e tla phethahala ha Jehova a felisa lintho tse bohloko. Haufinyane o tla:

•   Felisa batho ba khopo.—Liproverbia 2:22.

•   Felisa lintho tse bohloko.—Tšenolo 21:4.

•   Tsosa bafu.—Johanne 5:28, 29.

 Ke hobane’ng ha u lokela ho tšepa litšepiso tseo Bibele e re tšepisang tsona? E le hore u fumane karabo, re kopa hore u ithute Bibele le rona mahala.