Barali ba bo rona ba phetha karolo e kholo mesebetsing e amanang le ’Muso oa Molimo. (Pes 68:11) Ke bona ba khannang lithuto tse ngata haholo tsa Bibele. Bongata ba bopula-maliboho ba kamehla ke barali ba bo rona. Barali ba bo rona ba likete ke bafetoleli, baromuoa, ba sebeletsa Bethele le kahong. Barali ba bo rona ba matla tumelong ba matlafatsa malapa a bona le liphutheho. (Lipr 14:1) Le hoja barali ba bo rona e ke ke ea e-ba baholo kapa bahlanka ba sebeletsang, ho na le lintho tse ngata tseo ba ka li finyellang ka phuthehong. Haeba u morali oa bo rona, ke ka litsela life u ka sebeletsang Jehova haholoanyane?

• Loanela ho ba le makhabane a Bokreste.​—1Ti 3:11; 1Pe 3:3-6

• Thusa barali ba bo rona ba bang ka phuthehong ba se nang boiphihlelo.​—Tit 2:3-5

• Ntlafatsa tsela eo u rutang batho Bibele ka eona u be u qete nako e ngata tšimong

• Ithute puo e ’ngoe

• E-ea moo ho hlokehang bahoeletsi

• Kenya kopo ea ho sebeletsa Bethele kapa ho thusa ho haha libakeng tsa rona tsa borapeli

• Kenya kopo ea ho ea Sekolong sa Baevangeli ba ’Muso

SHEBELLANG VIDEO EA “BASALI BA SEBETSANG KA THATA MORENENG” EBE LE ARABA POTSO E LATELANG:

• Lintho tseo barali baa ba bo rona ba li buileng li u matlafalitse joang?