Mikea 7:1-20
7 Ke hlomola pelo. Ke tšoana le mothoEo ka mor’a hore ho bokelloe litholoana tsa lehlabulaLe eo ka mor’a hore ho thonakoe morara o setseng ka mor’a hore ho kotuloe,A sa fumaneng morara oo a ka o jangEbile a sa fumane le feie* e monate eo a e lakatsang.
2 Ea tšepahalang o felisitsoe lefatšeng.
Ha ho na ea etsang lintho tse nepahetseng har’a batho.+
Kaofela ha bona baa ipata hore ba khaoletse batho, ba ba bolaee.+
E mong le e mong o tsoma ngoan’abo ka letlooa le huloang.
3 Ba tseba ho etsa lintho tse mpe.+
Khosana e batla ho fuoa limpho,Moahloli o kopa moputso,+Motho ea tummeng oa bua hore na o batla’ng+Ebe ba tla ka maqheka ba le ’moho.
4 Ea molemo ho ba feta o joaloka meutloa,Ea lokileng ka ho fetisisa har’a bona o kotsi ho feta lihlahla tse meutloa.
Letsatsi leo molebeli oa hao a buileng ka lona le letsatsi la hao la kahloloLe tla tla+ ’me ba tla tšoha.+
5 U se ke oa tšepa motho eo u mo tloaetsengKapa motsoalle oa hao ea haufi.+
U ele hloko seo u se buang ho molekane oa hao.
6 Kaha mora o tella ntate oa hae,Morali o loantša ’mè oa hae+Le ngoetsi e loantša matsale oa eona.+
Motho o hlouoa ke ba lelapa la hae.+
7 Empa ha e le ’na, ke tla lula ke letetse Jehova.+
Ke tla ba le mamello,* ke letele Molimo oa ka ea mpholosang.+
Molimo oa ka o tla nkutloa.+
8 Sera sa ka, u se ke oa ntšeha.
Le hoja ke oele, ke tla ema.
Le hoja ke lula lefifing, Jehova e tla ba leseli la ka.
9 Ke tla mamella bohale ba JehovaKaha ke mo sitetsoe.+
Ke tla bo mamella ho fihlela a buella nyeoe ea ka ’me ke ahloloa ka toka.
O tla ntlisa leseling.
Ke tla bona kamoo a lokileng kateng.
10 Sera sa ka le sona se tla bona seo.
Ea ileng a re ho ’na: “O kae Jehova Molimo oa hao?”+
O tla hlajoa ke lihlong.
Ke tla sheba sera sa ka.
Se tla hatakeloa joaloka seretse seterateng.
11 E tla ba letsatsi la hore le hahe marako a lona a majoe.
Letsatsing leo, moeli oa naha ea lona o tla eketsoa.*
12 Letsatsing leo, ba tla tla ho lonaHo tsoa Asiria le metseng ea Egepeta,Ho tsoa Egepeta ho ea fihla Nokeng.*
Ho tloha leoatleng le leng ho ea ho le leng le ho tloha thabeng e ’ngoe ho ea ho e ’ngoe.+
13 Naha e tla sala e se na baahi ka lebaka la batho ba lulang ho eona,Ka lebaka la seo ba se entseng.*
14 Molimo, lisa batho ba hao ka lere la hao e leng mohlape oa hao,*+O neng o lula o le moo morung har’a lifate tsa litholoana.
O ke o fule Bashane le Gileade+ joaloka mehleng ea khale.
15 “Ke tla ba bontša lintho tse hlollangJoaloka nakong eo ba neng ba tsoa naheng ea Egepeta.+
16 Lichaba li tla bona ’me li hlajoe ke lihlong le hoja li le matla.+
Li tla beha matsoho melomong.
Litsebe tsa tsona li tla thibana.
17 Li tla nyeka lerole joaloka linoha,*+Li tsoe libakeng tsa tsona tse sireletsehileng li thothomela joaloka lihahabi.
Li tla tla ho Jehova Molimo oa rona li tšohileEbile li mo tšaba.”+
18 Na o teng Molimo ea tšoanang le uena,Ea tšoarelang liphoso le ea lebalang melato+ ea ba setseng ba sechaba sa Iseraele?+
Ha u lule u halefile,U thabela ho bontša batho lerato.*+
19 O tla boela a re hauhele+ ’me a hlole* liphoso tsa rona joaloka lira.
U tla lahlela libe tsohle tsa bona botebong ba leoatle.+
20 U tla tšepahalla Jakobo,U rate* AbrahamaJoalokaha u ikanne ho baholo-holo ba rona mehleng ea khale.+
Linaletsana
^ Kapa: “feiga.”
^ Kapa: “Ke tla leta ka mamello.”
^ Kapa mohlomong: “taelo e tla ba hole.”
^ E leng ea Eufrate.
^ Ka Seheberu: “Ka lebaka la litholoana tsa mesebetsi ea bona.”
^ Kapa: “lefa la hao.”
^ Kapa: “Li tla hloloa.”
^ Kapa: “lerato le tšepahalang.” Sheba Tlhaloso.
^ Kapa: “hatakele.”
^ Kapa: “bontše lerato le tšepahalang ho.” Sheba Tlhaloso.
