Liproverbia 5:1-23
5 Mora oa ka, mamela mantsoe a ka a bohlale.
U mamele ka hloko seo ke se rutang ka temoho*+
2 E le hore u lebele bokhoni ba hao ba ho nahanaU be u bue ’nete kamehla.+
3 Etsoe mantsoe a mosali ea boitšoaro bo bobe* a monate joaloka mahe a linotši,+A boreleli ho feta oli.+
4 Empa qetellong o baba joaloka lengana,+O bohale joaloka sabole e sehang ka nģa tse peli.+
5 Maoto a hae a theohela lefung.
Mehato ea hae e lebisa Lebitleng.*
6 Ha a tsotelle tsela ea bophelo.
Litsela tsa hae li hlahlatheletse moo a sa tsebeng.
7 Joale bara ba ka, ’mameleng’Me le se ke la iphapanyetsa seo ke se buang.
8 Tsamaellang hole le eena,Le se ke la atamela monyako oa ntlo ea hae+
9 E le hore le se ke la itlosa seriti+Kapa la sotleha bophelo bohle ba lona+
10 E le hore batho ba bang ba se ke ba ja matla a lona+Kapa lintho tseo le li sebelelitseng ka thata tsa jeoa lefa ke motho e mong.
11 Ho seng joalo, le tla lla qetellong ea bophelo ba lonaHa ’mele ea lona le matla a lona a fela,+
12 Le tla re: “Ke ne ke hloile ho khalemeloa,Ke* hloile ho bontšoa liphoso.
13 Ke ne ke sa mamele barupeli ba kaKe bile ke iphapanyetsa mesuoe ea ka.
14 Ke haufi le ho lahleheloa ke sohle,Ke ikutloa ke soabile ka pel’a batho ba Molimo.”*+
15 Noa metsi a tsoang selibeng sa haoLe metsi a phallang* nokaneng ea hao.+
16 Ke hobane’ng ha u batla hore liliba tsa hao li hasane ka ntleLe melapo ea hao ea metsi e hasane literateng?+
17 E ke e be tsa hao u le mong,U se ke oa li arolelana le batho ba bang.+
18 Seliba sa hao se ke se hlohonolofatsoe,*U thabe le mosali oa bocha ba hao,+
19 O joaloka khama e tšehali e ratehang kapa potsanyane*+ e ntle.
Matsoele a hae a u khotsofatse* ka linako tsohle.
E se eka lerato la hae le ka u taha kamehla.+
20 Mora oa ka, ke hobane’ng ha u ka khahloa ke mosali oa letekatse*Kapa oa manama sefubeng sa mosali ea boitšoaro bo bobe?*+
21 Jehova o bona litsela tsa motho,O hlahloba litsela tsohle tsa hae.+
22 Ea khopo o tšoasoa ke liphoso tsa hae,O tla hareloa ke liropo tsa sebe sa hae.+
23 O tla shoa hobane ha a mamela ha a khalemeloa,A khelohe ka lebaka la bothoto ba hae.
Linaletsana
^ Ka Seheberu: “Temoho ea ka u e sekehele tsebe.”
^ Ka Seheberu: “molichaba.” Sheba Liprov. 2:16.
^ Kapa: “Sheole.” Sheba Tlhaloso.
^ Ka Seheberu: “Pelo ea ka e.”
^ Ka Seheberu: “har’a phutheho.”
^ Kapa: “a monate.”
^ Kapa: “Mohloli oa hao oa metsi o ke o hlohonolofatsoe.”
^ Ka Seheberu: “Poli ea thaba.”
^ Kapa: “a u tahe.”
^ Ka Seheberu: “osele.” Sheba Liprov. 2:16.
^ Ka Seheberu: “molichaba.” Sheba Liprov. 2:16.
