Liproverbia 4:1-27
4 Bara ba ka, mamelang ha ntate a le laea.+Le mamele ka hloko e le hore le be le kutloisiso
2 Kaha ke tla le fa taeo e molemo.
Le se ke la lahla thuto ea ka.*+
3 Ke ne ke le mora ea mamelang ho Ntate,+Ke bile ke ratoa haholo ke ’Mè.+
4 Ntate o ile a ntaela a re: “E se eka mantsoe a ka a ka lula a tsitsitse pelong ea hao.+
Mamela litaelo tsa ka e le hore u phele halelele.+
5 Fumana bohlale, fumana kutloisiso.+
U se ke oa lebala mantsoe a ka kapa hona ho iphapanyetsa ’ona.
6 U se ke oa tlohela bohlale, bo tla u sireletsa.
Bo rate, bo tla u lebela.
7 Bohlale ke ntho ea bohlokoa ka ho fetisisa.+ Kahoo, fumana bohlale.
Ka holim’a lintho tsohle tseo u li fumanang, fumana kutloisiso.+
8 Nka bohlale bo le bohlokoa haholo ’me bo tla u phahamisa.+
Bo tla u tlotla hobane oa bo amohela.+
9 Bo tla u roesa mokhabiso o motle hloohong,Bo u khabise ka korone e ntle.”
10 Mora oa ka, mamela u be u amohele mantsoe a ka’Me u tla phela halelele.+
11 Ke tla u ruta tsela ea bohlale,+Ke u tataisetse litseleng tse lokileng.+
12 Ha u tsamaea, mehato ea hao e ke ke ea sitisoa ke letho,Haeba u matha, u ke ke oa khoptjoa.
13 Amohela taeo, u se ke oa e hana.+
U lule u e hopola hobane e tla u phelisa.+
14 U se ke oa kena tseleng ea batho ba khopo,U se ke oa tsamaea tseleng ea ba khopo.+
15 U se ke oa nka tsela eo, e qobe.+
Tsamaella hole le eona ’me u iphetele+
16 Hobane batho ba khopo ha ba khone ho robala ntle le hore ba etse bobe,Ha ba sa khope motho, ba sitoa ho robala.
17 Ba ja bohobe ba bokhopo,Ntoa ke veine ea bona.
18 Empa tsela ea ba lokileng e tšoana le mahlaseli a mesoAo khanya ea ’ona e ntseng e eketseha ho fihlela har’a mpa ea motšehare.+
19 Tsela ea ba khopo e joaloka lefifi,Ha ba tsebe hore na ba khoptjoa ke eng.
20 Mora oa ka, u ele hloko mantsoe a ka.
Mamela lipolelo tsa ka ka hloko.*
21 U se ke oa li lebala,U li boloke ka pelong ea hao.+
22 Ke bophelo ho ba li amohelang+Le bophelo bo botle ’meleng ea bona.
23 U sireletse pelo ea hao ho feta lintho tse ling tsohle+Kaha liliba tsa bophelo li tsoa ho eona.
24 Tlohela lipuo tsa leshano,+Lipuo tsa bolotsana li be hole le uena.
25 Mahlo a hao a lokela ho sheba pele,U tsepamise mahlo a hao pele.+
26 Tlosa litšitiso tseleng ea hao*+E le hore litsela tsohle tsa hao li loke.
27 U se ke oa khelohela ka ho le letona kapa ka ho le letšehali.+
Furalla lintho tse mpe.
Linaletsana
^ Kapa: “molao oa ka.”
^ Ka Seheberu: “U sekehele lipolelo tsa ka tsebe.”
^ Kapa mohlomong: “Nahanisisa ka litsela tsa hao.”
