Liproverbia 16:1-33
16 Motho o laola menahano ea hae*Empa karabo eo a fanang ka eona* e tsoa ho Jehova.+
2 Litsela tsohle tsa motho li bonahala li lokile* ho eena+Empa Jehova o hlahloba hore na sepheo sa motho ke sefe.+
3 Siea lintho tsohle tseo u li etsang matsohong a Jehova*+’Me merero ea hao e tla atleha.
4 Jehova o etsa hore ntho e ’ngoe le e ’ngoe e phethe morero oa hae,O etsa hore le ba khopo ba timetsoe letsatsing la koluoa.+
5 E mong le e mong ea ikhohomosang* oa nyonyeha ho Jehova.+
Kholiseha hore o tla fuoa kotlo.
6 Phoso e koaheloa ka lerato le botšepehi.+
Hape motho o furalla bobe ka ho tšaba Jehova.+
7 Ha Jehova a khahloa ke liketso* tsa motho,O etsa hore esita le lira tsa hae li lule le eena ka khotso.+
8 Ho molemo ho futsaneha empa u le motho ea lokileng+Ho feta ho ba morui ka bolotsana.+
9 Le hoja motho a ka rera tsela ea hae ka hloko,Ke Jehova ea mo tataisang.+
10 Morena o lokela ho phatlalatsa liqeto tse lumellanang le thato ea Molimo,*+A ahlole ka toka ka linako tsohle.+
11 Likala tsa ho bekha tse tšepahalang ke tsa Jehova,Majoe a ho bekha a ka mokotleng a tsoa ho eena.+
12 Liketso tsa bokhopo lia nyonyeha ho marena+Hobane terone e tsitsisoa ka toka.+
13 Lipolelo tse lokileng li thabisa marena’Me a rata motho ea buang ’nete.+
14 Khalefo ea morena e joaloka moromuoa oa lefu+Empa motho ea bohlale oa e kokobetsa.*+
15 Ho ratoa ke morena hoa phelisa,*Ho joaloka leru la pula ka nako ea selemo.+
16 Ho fumana bohlale ho molemo ho feta ho fumana khauta.+
Ho fumana kutloisiso ho molemo ho feta ho fumana silevera.+
17 Ba lokileng ba qoba litsela tse fosahetseng.
Mang kapa mang ea elang hloko litsela tsa hae o sireletsa bophelo ba hae.+
18 Boikakaso bo etella ho oa pele’Me ea ikhohomosang o qetella ka ho oa.+
19 Ho molemo ho ikokobetsa* har’a ba bonolo+Ho feta ho arolelana maruo* le ba ikhohomosang.
20 Ea bontšang hore o na le temoho o tla atleha*’Me ea tšepang Jehova oa thaba.
21 Ho tla thoe motho ea bohlale o na le kutloisiso,+Ea lipuo li mosa* ke eena ea mameloang.+
22 Temoho ke seliba sa bophelo ho ba nang le eonaEmpa lithoto li rutoa ke bothoto ba tsona.
23 Motho ea* bohlale o khetha mantsoe ka hloko+’Me mantsoe a hae aa susumetsa.
24 Mantsoe a monate a joaloka mahe a linotši,A monate ’me a matlafatsa masapo.+
25 Tsela e ka bonahala eka e lokile ho motho,Athe qetellong e lebisa lefung.+
26 Motho ea lapileng o sebetsa ka thataHobane a khannoa ke tlala.+
27 Motho ea se nang thuso o rera bobe,+Lipuo tsa hae li joaloka mollo o tlabolang.+
28 Motho ea likhathatso* oa qabanya.+
Moetselletsi o arola metsoalle ea hlooho ea khomo.+
29 Motho ea likhoka o eka moahisani oa haeEbile o mo lebisa tseleng e fosahetseng.
30 O koba leihlo ha a rera bolotsana.
O etsa bobe a ntse a bososela.*
31 Moriri o moputsoa ke korone ea botle*+Ha motho a le tseleng ea ho loka.+
32 Ea liehang ho halefa+ o molemo ho feta monna ea matla’Me ea laolang bohale ba hae* o molemo ho feta motho ea hapang motse.+
33 Lotho ea lahloa+Empa qeto e ’ngoe le e ’ngoe e etsoang ka lotho e tsoa ho Jehova.+
Linaletsana
^ Kapa: “karabo e nepahetseng.” Ka Seheberu: “karabo ea leleme.”
^ Ka Seheberu: “Merero ea pelo ke ea motho oa lefatše.”
^ Ka Seheberu: “li hloekile.”
^ Ka Seheberu: “Rolela mesebetsi ea hao ho Jehova.”
^ Ka Seheberu: “ea pelo e ikhohomosang.”
^ Kapa: “litsela.”
^ Kapa: “tse susumetsoang ke Molimo.”
^ Kapa: “qoba.”
^ Kapa: “Leseling la sefahleho sa morena ho na le bophelo.”
^ Ka Seheberu: “ikokobetsa moeeng.”
^ Kapa: “maruo a hapuoeng.”
^ Ka Seheberu: “o tla fumana se molemo.”
^ Kapa: “lipuo tse monate.” Ka Seheberu: “ea molomo o mosa.”
^ Kapa: “Motho ea pelo e.”
^ Kapa: “bolotsana.”
^ Kapa: “a momme molomo.”
^ Kapa: “tlhompho.”
^ Ka Seheberu: “moea oa hae.”
