Lipesaleme 56:1-13
Ho motsamaisi. E binoe ka molumo oa “Leeba le Khutsitseng le Hole.” Pesaleme ea Davida. Miktame.* Ha Bafilista ba ne ba mo tšoara Gathe.+
56 Nkhauhele hle Molimo hobane batho baa ntlhasela.*
Ba lula ba ntoantša le ho nkhatella letsatsi lohle.
2 Lira tsa ka li lula li nkomanya letsatsi lohle.
Ba bangata ba ntoantša ka boikhohomoso.
3 Ha ke tšohile,+ ke tšepa uena.+
4 Ke tšepa Molimo ebile ke rorisa lentsoe la hae.
Ke tšepa Molimo. Ke kahoo ke sa tšabeng letho.
Motho a ka nketsa’ng?+
5 Ba mpakela mathata kamehla.
Ba nahanne feela ka ho nketsa hampe.+
6 Baa ipata hore ba ntlhasele.
Ba lula ba shebile metsamao ea ka+E le hore ba khone ho mpolaea.+
7 U ba lahle hobane ba khopo.
Molimo, liha lichaba ka bohale ba hao.+
8 U nkele hloko ha ke ntse ke lelera.+
U bokelle likeleli tsa ka ka lekukeng* la hao.+
U ngotse matšoenyeho a ka bukeng ea hao.+
9 Lira tsa ka li tla baleha letsatsing leo ke hoeletsang ke kopa thuso.+
Ke kholisehile ka sena: Molimo o ka lehlakoreng la ka.+
10 Ke tšepa Molimo ebile ke rorisa lentsoe la hae.
Ke tšepa Jehova ebile ke rorisa lentsoe la hae.
11 Ke tšepa Molimo. Ke kahoo ke sa tšabeng letho.+
Motho a ka nketsa’ng?+
12 Molimo oa ka, ke tlameha ho etsa lintho tseo ke u tšepisitseng tsona.+
Ke tla u leboha.+
13 U mpholositse hore ke se ke ka shoa,+Oa thiba maoto a ka hore a se ke a khoptjoa+E le hore ke tsoele pele ke phela ’me ke tsamaee ka pel’a hao Molimo.+
