Lipesaleme 47:1-9
Ho motsamaisi. Pesaleme ea bara ba Kora.+ Pina.
47 Lona lichaba tsohle, opang matsoho.
Hoeletsang Molimo le thabile hobane le hlotse.
2 Jehova ea Phahameng ka ho Fetisisa oa hlolla.+
Ke Morena e moholo lefatšeng lohle.+
3 O etsa hore re laole lichaba.
O beha lichaba tlas’a maoto a rona.+
4 O re khethela lefa la rona,+E leng leo Jakobo, eo a mo ratang, a leng motlotlo ka lona.+ (Selah)
5 Molimo o ile a nyoloha ha batho ba ntse ba hoeletsa ba thabile.
Jehova a nyoloha ha batho ba ntse ba letsa lenaka.*
6 Binelang Molimo lithoriso,* le bine lithoriso.
Binelang Morena oa rona lithoriso, le bine lithoriso.
7 Molimo ke Morena oa lefatše lohle.+
Binang lithoriso ’me le bontše temoho.
8 Molimo ke Morena oa lichaba.+
Molimo o lutse teroneng ea hae e halalelang.
9 Baeta-pele ba lichaba ba bokane ’mohoLe batho ba Molimo oa Abrahama.
Babusi* ba lefatše ke ba Molimo.
Ke ea phahameng haholo.+
Linaletsana
^ Kapa: “lenaka la ramo; terompeta.”
^ Kapa: “Letsetsang Molimo ’mino.”
^ Ka Seheberu: “Lithebe.”
