Lipesaleme 31:1-24
Ho motsamaisi. Pina ea Davida.
31 Ke balehetse ho uena Jehova.+
E se eka nke ke ka hlajoa ke lihlong.+
Mpholose hobane u lokile.+
2 ’Mamele.*
Tloo kapele u tl’o mpholosa.+
E-ba joaloka thaba e sireletsehileng ho ’na,U be sebaka se sireletsehileng hore u mpholose.+
3 U lefika la ka le sebaka sa ka se sireletsehileng.+
U tla nketella pele u be u ntataise+ ka lebaka la lebitso la hao.+
4 U tla ntšoasolla lerabeng* leo ba mpatetseng lona+Kaha u setšabelo sa ka.+
5 Ke beha bophelo ba ka matsohong a hao.+
U ntopolotse, Jehova Molimo oa ’nete.*+
6 Ke hloile ba rapelang litšoantšo tse se nang thuso, tsa lefeelaEmpa ha e le ’na, ke tšepile Jehova.
7 Ke tla thaba haholo ka lebaka la lerato* la haoKaha u bone mahlomola a ka.+
Oa tseba hore ke tšoenyehile haholo.
8 Ha oa nehelana ka ’na ho sera sa kaEmpa u etsa hore ke eme sebakeng se sireletsehileng.*
9 Nkhauhele hle Jehova hobane ke mahlomoleng.
Ho tšoenyeha ho entse hore mahlo a ka le ’mele ’ohle oa ka li khathale.+
10 Bophelo ba ka bo tletse mahlomola+Le lilemo tseo ke li phetseng li tletse mesarelo.+
Matla a ka aa fela ka lebaka la phoso ea ka.
Masapo a ka aa fokola.+
11 Ke nyefoloa ke lira tsohle tsa ka,+Haholo-holo baahisani ba ka.
Batho ba ntloaetseng baa ntšaba.
Ha ba mpona ka ntle, baa mpaleha.+
12 Ha ba sa nkhopola joalokaha eka ke shoele.
Ke tšoana le nkho e pshatlehileng.
13 Ke utloile ho buuoa lintho tse ngata tse mpe ka ’na.
Ke tšosoa ka mahlakoreng ’ohle.+
Baa bokanaHore ba lohe leano la ho mpolaea.+
14 Empa ke tšepile uena Jehova.+
Ke re: “U Molimo oa ka.”+
15 Bophelo ba ka bo matsohong a hao.
Mpholose matsohong a lira tsa ka le ho ba ntlhorisang.+
16 E-ba mosa ho mohlanka oa hao.+
Mpholose hobane oa nthata.*
17 Jehova, e se eka nke ke ka hlajoa ke lihlong ha ke u bitsa.+
Ba khopo ba ke ba hlajoe ke lihlong.+
E se eka ba ka khutsisoa Lebitleng.*+
18 E se eka batho ba buang leshano ba ka felloa ke mantsoe,+Ba buang hampe ka ea lokileng, ba ikhohomosa ba bile ba mo nyatsa.
19 Kannete u molemo haholo.+
U o boloketse ba u tšabang+Ebile u o bontšitse ka pel’a batho bohle, molemong oa ba balehelang ho uena.+
20 U tla ba pata sebakeng sa hao se sephiring,+U ba patele batho ba ba lohelang mano.
U tla ba pata sebakeng sa hao se sireletsehileng,U ba patele ba batlang ho ba ntša kotsi.+
21 Jehova a ke a rorisoeKaha ka tsela e hlollang, o ile a mpontša hore oa nthata*+ motseng o pota-potiloeng ke lira.+
22 Ha e le ’na, ke ile ka tšoha ’me ka re:
“Ke tla shoa ka pel’a hao.”+
Empa u ile oa nkutloa ha ke llela ho uena ke kopa thuso.+
23 Ratang Jehova, lona bohle ba mo tšepahallang.+
Jehova o sireletsa ba tšepahalang+Empa o fa motho leha e le ofe ea ikhohomosang kotlo e boima.+
24 Le be sebete ’me le be matla,*+Lona bohle ba letetseng Jehova.+
Linaletsana
^ Kapa: “Inamela tlase u ntšekehele tsebe.”
^ Ka Seheberu: “letlooeng.”
^ Kapa: “Molimo ea tšepahalang.”
^ Kapa: “lerato le tšepahalang.” Sheba Tlhaloso.
^ Kapa: “sebakeng se seholo.”
^ Kapa: “u na le lerato le tšepahalang.” Sheba Tlhaloso.
^ Kapa: “Sheole.” Sheba Tlhaloso.
^ Kapa: “lerato le tšepahalang.” Sheba Tlhaloso.
^ Kapa: “lipelo tsa lona li tiee.”
