Lipesaleme 27:1-14
Pesaleme ea Davida.
27 Jehova ke leseli la ka+ le mopholosi oa ka.
Ke tla tšaba mang?+
Jehova o sireletsa bophelo ba ka.+
Ke tla tšosoa ke mang?
2 Ha batho ba khopo ba ntlhasela hore ba qete ka ’na,+Lira tsa ka le bahanyetsi ba ka ke bona ba ileng ba khoptjoa ’me ba oa.
3 Le haeba masole a ka hloma litente ho mpota-pota,Nke ke ka tšoha.+
Le haeba nka hlaseloa,Ke tla lula ke e-na le tšepo.
4 Ke kopile ntho e le ’ngoe ho JehovaE leng ntho eo ke e batlang,Hore ke lule ka tlung ea Jehova ka matsatsi ’ohle a bophelo ba ka,+Ke bohe botle ba JehovaLe hore ke thabele ho sheba* tempele* ea hae.+
5 O tla mpata sebakeng sa hae ha ke hlaheloa ke tlokotsi.+
A mpate ka tenteng ea hae sebakeng se patehileng.+
O tla mpeha holimo lefikeng.+
6 Ke hlotse lira tsa ka tse mpota-potileng.
Ke tla etsa mahlabelo tenteng ea hae ke hoelelitse, ke thabile.
Ke tla binela Jehova lithoriso.
7 Utloa sello sa ka hle Jehova.+
Nkhauhele ’me u nkarabe.+
8 Pelo ea ka e nkhopotsa taelo ea hao e reng:
“Batlang sefahleho sa ka.”
Jehova, ke tla batla sefahleho sa hao.+
9 U se ke oa mpatela sefahleho sa hao.+
U se ke oa nteleka ka bohale.
U mothusi oa ka.+
U se ke oa ntahla kapa oa ntlohela, Molimo oa ka ea mpholosang.
10 Leha ’Mè le Ntate ba ka ntahla,+Jehova o tla nthola.+
11 Nthupele ka tsela ea hao, Jehova,+Ntsamaise tseleng e lokileng ’me u ntšireletse ho lira tsa ka.
12 U se ke oa nehelana ka ’na ho lira tsa ka.+
Lipaki tse leshano lia nqosa,+Li batla ho ntoantša.
13 Nka be ke le hokae haeba ke ne ke se na tumeloEa hore ke tla bona kamoo Jehova a leng molemo kateng ha ke ntse ke phela?*+
14 Tšepa Jehova.+
E-ba sebete ’me u be matla.*+
Tšepa Jehova.
Linaletsana
^ Kapa: “ke nahanisise ka.”
^ Kapa: “sehalalelo.”
^ Kapa mohlomong: “Ka sebele ke na le tumelo ea hore ke tla bona molemo oa Jehova naheng ea ba phelang.”
^ Kapa: “ ’me pelo ea hao e tiee.”
