Lipesaleme 147:1-20
147 Rorisang Jah!*
Ho binela Molimo oa rona lithoriso ke ntho e ntle.
Ho mo rorisa hoa thabisa ebile ho loketse.+
2 Jehova o haha Jerusalema.+
O phutha Baiseraele ba qhalakaneng.+
3 O folisa bao lipelo tsa bona li utloileng bohloko.
O tlamisa maqeba a bona.
4 O tseba palo ea linaleli.
Kaofela ha tsona o li bitsa ka mabitso a tsona.+
5 Morena oa rona o moholo ebile o matla haholo.+
O bohlale ka tsela eo re ke keng ra khona ho e utloisisa.+
6 Jehova o phahamisa batho ba bonolo.+
Empa ba khopo o ba lahlela fatše.
7 Binelang Jehova lipina tsa ho mo leboha.
Binelang Molimo oa rona lithoriso ka harepa.
8 Ke eena ea koahelang maholimo ka maru,Ea nesetsang lefatše pula+Le ea etsang hore joang bo mele+ lithabeng.
9 O fa liphoofolo lijo,+O fepa le makhoaba a manyenyane a llelang lijo.+
10 Ha a khahloe ke matla a pere+Ebile ha a khahloe ke maoto a matla a motho.+
11 Ho e-na le hoo, Jehova o khahloa ke batho ba mo tšabang,+Ba emetseng hore a ba bontše lerato.+
12 Jerusalema, tlotlisa Jehova.
Sione, rorisa Molimo oa hao.
13 O etsa hore lipalo tsa likeiti tsa motse oa hao li tiee.
O hlohonolofatsa bara ba hao.
14 O etsa hore ho be le khotso naheng ea hao.+
O u fa koro e ntle ka ho fetisisa ho fihlela u khotsofetse.+
15 O fana ka taelo lefatšeng,Lentsoe la hae le matha ka lebelo.
16 O fana ka lehloa joaloka boea.+
O hasanya serame joaloka molora.+
17 O lahlela sefako* sa hae fatše joaloka mafoforetsane a bohobe.+
Ha ho na motho ea ka khonang ho mamella serame sa hae.+
18 Ha a fana ka taelo, lehloa lea qhibiliha.
O etsa hore moea oa hae o foke+ ebe metsi aa phalla.
19 O bolella Jakobo lentsoe la hae,O bolella Baiseraele melao le likahlolo tsa hae.+
20 Ha a etse joalo ho lichaba tse ling.+
Ha li tsebe letho ka melao ea hae.
Rorisang Jah!*+
Linaletsana
^ Kapa: “Halelujah!” “Jah” ke khutsufatso ea lebitso Jehova.
^ Kapa: “leqhoa.”
^ Kapa: “Halelujah!” “Jah” ke khutsufatso ea lebitso Jehova.
