Joshua 12:1-24
12 Ana ke marena a naha ao Baiseraele ba ileng ba a hlola, ao ba ileng ba nka naha ea ’ona ka lehlakoreng le ka bochabela la Jordane ho tloha Khohlong ea Arnone+ ho fihlela Thabeng ea Hermone+ le Araba eohle ka bochabela:+
2 Morena Sihone+ oa Baamore, ea neng a lula Heshbone o ne a busa motse oa Aroere,+ o neng o le lebopong la Khohlo ea Arnone.+ Sebaka sohle ho tloha bohareng ba Khohlo ea Arnone ho ea fihla Khohlong ea Jaboke se ne se busoa ke eena. O ne a busa halofo ea Gileade. Khohlo* ea Jaboke e ne e boetse e le moeli oa Baamone.
3 O ne a boetse a busa lehlakore le ka bochabela la Araba ho ea fihla Leoatleng la Kinerethe*+ le ho ea fihla Leoatleng la Araba e leng Leoatle la Letsoai,* ho ea ka bochabela ba Bethe-jeshimothe le ka boroa tlas’a moepa oa Pisga.+
4 Le naha ea Morena Oge+ oa Bashane, eo e neng e le oa ho qetela ho Barefaime+ le ea neng a lula Ashtarothe le Edrei
5 ’me a busa Thabeng ea Hermone le Salka le Bashane eohle,+ ho ea fihla moeling oa Bageshure le Bamakathe+ le halofo ea Gileade, ho ea naheng ea Morena Sihone oa Heshbone.+
6 Moshe mohlanka oa Jehova le Baiseraele ba ile ba hlola marena ana+ eaba ka mor’a moo Moshe mohlanka oa Jehova o fana ka naha ea ’ona e le lefa ho Barubene, Bagade le ho halofo ea leloko la Manase.+
7 Ana ke marena a naha ao Joshua le Baiseraele ba ileng ba a hlola lehlakoreng le ka bophirimela la Jordane ho tloha Baale-gade+ Khohlong ea Lebanone+ ho ea fihla Thabeng ea Halake,+ e nyolohelang Seire+ eaba Joshua o fana ka naha ea ’ona ho maloko a Iseraele e le lefa ka likarolo tsa eona.+
8 Linaha tsena li ne li akarelletsa tse sebakeng se lithaba, Shefela, Araba, meepeng, lefeelleng le Negebe+ e leng naha ea Bahethe, Baamore,+ Bakanana, Bapereze, Baheve le Bajebuse:+
9 Morena oa Jeriko,+ morena oa Ai+ e neng e le ka thoko ho Bethele,
10 morena oa Jerusalema, morena oa Hebrone,+
11 morena oa Jarmuthe, morena oa Lakishe,
12 morena oa Eglone, morena oa Gezere,+
13 morena oa Debire,+ morena oa Gedere,
14 morena oa Horma, morena oa Arade,
15 morena oa Libna,+ morena oa Adulame,
16 morena oa Makeda,+ morena oa Bethele,+
17 morena oa Tapua, morena oa Hefere,
18 morena oa Afeke, morena oa Lasharone,
19 morena oa Madone, morena oa Hazore,+
20 morena oa Shimrone-merone, morena oa Akshafe,
21 morena oa Tanake, morena oa Megido,
22 morena oa Kedeshe, morena oa Jokneame+ e Karmele,
23 morena oa Dore moepeng oa Dore,+ morena oa Goime e Gilgale,
24 morena oa Tirza, kaofela e le marena a 31.
