Joele 1:1-20
1 Jehova o ile a laela Joele* mora oa Pethuele hore a bue mantsoe ana:
2 “Lona baholo mamelangLe lona baahi bohle* le mamele.
Na le kile la hlaheloa ke ntho e tjee mehleng ea lona?
Kapa na ho kile ha hlaha ntho e tjee mehleng ea baholo-holo ba lona?+
3 E pheteleng bana ba lonaLe bana ba lona ba e phetele bana ba bona,Bana bao le bona ba e phetele moloko o hlahlamang.
4 Sehlopha sa pele sa litsie* sa ja sa siea, sa bobeli le sona sa ja sa siea,Sa boraro sa ja sa siea,Sa bone sa ja eaba se kokona sohle.+
5 Tsohang le lle lona matahoa.+Le lle lona ba noang veineHobane ha le sa na veine e monate.+
6 Ho na le sechaba se hlasetseng naha ea ka, se matla ebile se sengata hoo se se nang palo.+Meno a sona ke a tau+ le mehlahare ea sona ke ea tau.
7 Se sentse lifate tsa ka tsa morara, sa siea sefate sa ka sa feie* e le kutu,Sa li siea li hlobotse sa ba sa li lahla,Sa li ebola makala sa a siea a le masoeu toa!
8 Bokollang joaloka mosali e mocha* ea apereng lesela le hoashang*Ha a llela monna* oa hae.
9 Ha ho sa tlisoa linyehelo tsa lijo*+ le linyehelo tsa seno+ ntlong ea Jehova,Baprista e leng basebeletsi ba Jehova, ba utloile bohloko.
10 Lijalo tse masimong li sentsoe,+Lijo ha li sa le eo, veine e ncha ha e eo le oli e felile.+
11 Lihoai li soabile, balemi ba morara baa llaHobane koro le harese ha li sa le eo,Lijalo li senyehetse masimong.
12 Sefate sa morara se omeletse,Sefate sa feie se ponne.
Sefate sa kharenate, sa palema, sa apoleLe lifate tse ling tsohle tse masimong li omeletse+Hobane thabo ea baahi e fetohile masoabi.
13 Lona baprista, aparang lesela le hoashang* le utloe bohloko,*Bokollang lona basebeletsi ba aletare.+
Lona basebeletsi ba Molimo, kenang le qete bosiu le apere lesela le hoashang*Hobane linyehelo tsa lijo+ le linyehelo tsa seno+ ha li sa tlisoa ntlong ea Molimo.
14 Phatlalatsang hore batho ba itime lijo, tsebisang batho hore ho na le kopano e khethehileng.+
Bitsang baholo le sechaba kaofela,Le ba bitsetse ntlong ea Jehova Molimo oa lona+ ebe le kopa Jehova hore a le thuse.
15 Letsatsi leo e tla ba le tšosang.
Letsatsi la Jehova le haufi,+Mohlang oo, Ea Matla ’Ohle o tla felisa batho.
16 Re amohuoe lijo re ntse re shebile,Ra amohuoa thabo le nyakallo ntlong ea Molimo oa rona.
17 Ha ba phethola mobu ba fumane peo ea lifeie e omeletse.*
Litoro* li omme,Litoro tsa lijo li qhaqhiloe hobane lijo ha li sa le eo.
18 Esita le liphoofolo lia lla.
Mehlape ea likhomo ea hlahlathela ka lebaka la ho ferekana, e hloka makhulo.*
Linku le tsona li sotlehile.
19 Ke tla kopa thuso ho uena Jehova+Hobane mollo o chesitse makhulo naheng,Oa chesa le lifate tsohle masimong.
20 Esita le liphoofolo tse hlaha li llela hore u li thuseHobane metsi a linoka a psheleHape mollo o chesitse makhulo ’ohle naheng.”
Linaletsana
^ E bolelang “Jehova ke Molimo.”
^ Kapa: “baahi bohle ba lefatše.”
^ Ka Seheberu ho sebelisitsoe mefuta e mene ea litsie.
^ Kapa: “feiga.”
^ Kapa: “moroetsana.”
^ Kapa: “monyali.”
^ Ka Seheberu: “lijo-thollo.” Sheba Tlhaloso.
^ Kapa: “ikotle lifuba.”
^ Ka Seheberu: “itlameng.”
^ Kapa mohlomong: “lifeie tse omeletseng.”
^ Kapa: “Matlo a polokelo.”
^ Kapa: “ha ho na moo e fulang teng.”
