Jobo 38:1-41
38 Jehova a araba Jobo a le ka har’a sefefo a re:+
2 “Ke mang eo ea senyang merero ea ka,Ea buang a se na tsebo?+
3 Ke kopa u itokise ’me u etse lintho joaloka monna.
Ke tla u botsa lipotso ’me uena u nkarabe.
4 U ne u le hokae ha ke etsa lefatše?+
Mpolelle haeba u nahana hore oa tseba.
5 Na oa tseba hore na ke mang ea entseng qeto ea hore na le be lekaeKapa ea sebelisang thapo ho lekanya hore na le lekae?
6 Na ho na le lipilara tse tšehelitseng lefatšeKapa na oa tseba hore na ke mang ea entseng motheo* oa lona?+
7 Ha linaleli tsa hoseng+ li hoeletsa hammoho li thabileLe ha bara bohle ba Molimo*+ ba mo rorisa?
8 Ke mang ea ileng a koalla leoatle+Ha le phatloha mehloling* ea lona,
9 Ha ke le koahela* ka maruLe ka lefifi le letšo,
10 Ha ke le behela meeli ea hore na le felle hokaeEbile ke le koalla ka menyako+
11 Eaba ke re ho lona, ‘U ka fella mona empa u se ke oa fetela peleEbile ke hona mona moo maqhubu a hao a phahameng* a tla fella teng’?+
12 Na u kile* oa laela hore e be hosengKapa hore e be mesong,+
13 Na ke uena ea etsang hore khanya ea hoseng e fihle qetellong ea lefatšeE le hore liketso tsa batho ba khopo li senolehe?+
14 Lefatše le fetoloa joaloka letsopa le tlas’a reng e tempang,Le shebahala joaloka seaparo se setle.
15 Empa batho ba khopo ha ba fumane khanya’Me ba emisa ho utloisa batho bohloko.
16 Na u kile oa theohela mehloling ea leoatleKapa oa hlahloba metsi a tebileng a lona?+
17 Na u bontšitsoe menyako ea lefu+Kapa na u kile oa bona menyako ea lefifi le letšo?*+
18 Na oa utloisisa hore na lefatše le leholo hakae?+
Mpolelle haeba u tseba lintho tsena kaofela.
19 Na oa tseba hore na khanya e lula hokae+Le hore na lefifi le lula hokae
20 E le hore u ka li isa moo li lulang?
Na u tseba le tsela e eang matlong a tsona?
21 Na u tseba lintho tsee hobane u ne u se u hlahileEbile u se u phetse nako e telele?
22 Na u kile oa kena ka litorong* tsa lehloa+Kapa oa bona litoro tsa sefako,+
23 Tseo ke li behetseng nako ea mathataLe letsatsi la ntoa?+
24 Leseli* le khanya li tsoa lehlakoreng lefe?
Moea o tsoang bochabela o fokela hokae lefatšeng?+
25 Ke mang ea buletseng metsi maholimong hore pula e neLe ea entseng tsela bakeng sa maru a lehalima le sefefo,+
26 Ho nesa pula moo batho ba sa luleng teng,Naheng moo ho se nang batho?+
27 Ke mang ea nesang pula sebakeng se ommeng,Ea etsang hore joang bo mele hape?+
28 Na pula e na le ntate+Kapa na marotholi a phoka a na le ntate?+
29 Ke mang ea tsoetseng leqhoaLe ea tsoetseng serame,+
30 Ha metsi a le thata joaloka lejoe,Ka holimo a tiile e le leqhoa?+
31 Na u ka khona ho tlama sehlopha sa linaleli sa Kima* ka lithapoKapa na u ka khona ho tlamolla lithapo tsa sehlopha sa linaleli sa Kesile?*+
32 Na u ka tataisa sehlopha sa linaleli* ka nako ea sonaKapa oa tataisa sehlopha sa linaleli sa Ashe?*
33 Na u tseba melao e laolang lintho tse maholimong*+Kapa na u ka li laela hore na li etse’ng lefatšeng?
34 Na u ka laela maruHore a nese pula e ngata hoo metsi a ka u koahelang?+
35 Na u ka bitsa mahalima?
Na a tla tla ebe a re ho uena, ‘Ke rona bana?’
36 Ke mang ea fileng maru* bohlale+Kapa lintho tse maholimong kutloisiso?*+
37 Ke mang ea bohlale ea ka khonang ho bala maruKapa ke mang ea ka khonang ho qhala linkho tsa metsi tsa leholimo,+
38 Ea etsang hore lerole e be seretseLe makote a khomarelane?
39 Na u ka tsomela litau phofuKapa oa fa malinyane a tsona lijo ho fihlela a khotše?+
40 Na u ka li fepa ha li bothile libakeng tseo li ipatang ho tsona’Me li emetse ho hlasela?
41 Ke mang ea ka fang lekhoaba lijo+E le hore le fepe malinyane a lona a ntseng a ea holimo le tlase a batla seo a ka se jangA bile a kopa thuso ho Molimo?
Linaletsana
^ Kapa: “lejoe la pele la motheo.”
^ Maele a Seheberu a bolelang bara ba Molimo ba mangeloi.
^ Ka Seheberu: “popelo.”
^ Kapa: “apesa.”
^ Ka Seheberu: “ikhohomosang.”
^ Ka Seheberu: “Na haesale u tsoaloa u kile.”
^ Kapa: “moriti oa lefu.”
^ Kapa: “matlong a polokelo.”
^ Kapa mohlomong: “Lehalima.”
^ Mohlomong ke linaleli tsa Selemela tse ka har’a sehlopha sa linaleli sa Tauruse (Taurus).
^ Mohlomong ke sehlopha sa linaleli sa Orione (Orion).
^ Ka Seheberu: “Mazarothe.” Ho 2 Marena 23:5 polelo e reng ‘sehlopha sa linaleli’ e bongateng ’me e bolela lihlopha tsa linaleli tsa zodiake.
^ Mohlomong ke sehlopha sa linaleli sa Bere e Kholo (Ursa Major).
^ Ka Seheberu: “maholimo.”
^ Kapa mohlomong: “motho.”
^ Kapa mohlomong: “kelello.”
