Esaia 14:1-32
14 Jehova o tla hauhela Jakobo+ ’me a khethe Baiseraele hape.+ O tla ba tsitsisa* naheng ea bona+ ’me balichaba ba ikopanye le bona. Ba tla ikamahanya le ntlo ea Jakobo.+
2 Lichaba li tla ba nka li ba khutlisetse sebakeng sa bona ’me ntlo ea Iseraele e tla inkela banna le basali ba tsona e ba etse basebeletsi+ naheng ea Jehova. Ba tla hapa ba neng ba ba entse batlamuoa ’me ba laole bahatelli ba bona.*
3 Letsatsing leo Jehova a u fang phomolo bohlokong ba hao, pherekanong ea hao le bokhobeng bo sehloho boo u neng u le ho bona,+
4 u tla bua maele ana ho* morena oa Babilona:
“Bonang kamoo mohatelli* a oeleng kateng.
Khatello e emisitse.+
5 Jehova o robile molamu oa ba khopo,Lere la babusi.+
6 O robile ea otlang lichaba a sa khaotse a bile a halefile,+Eo ka bohale a busang lichaba a bile a li hlorisa a sa khaotse.+
7 Lefatše lohle le phomotse ’me le khotsong.
Batho ba hoeletsa ba thabile.+
8 Le lifate tsa junipere li thabetse ho bona ntho e u etsahaletsengHammoho le likedare tsa Lebanone.
Li re, ‘Haesale u oa,Ha ho moremi oa patsi ea re futuhelang.’
9 Esita le tlase Lebitla* le tsukutlehileE le hore le u khahlanyetse ha u tla.
Ka lebaka la hao le tsositse bafuE leng baeta-pele* bohle ba lefatše ba hatellang.
Le etsa hore marena ’ohle a lichaba a raohe literoneng tsa ’ona.
10 Kaofela ha ’ona a re ho uena,‘Athe le uena u se u hloka matla joaloka rona?
U se u tšoana le rona?
11 Boikhohomoso ba hao bo theoletsoe Lebitleng*’Moho le molumo oa liletsa tsa hao tse likhoele.+
Tšenyane* e aliloe tlas’a hao joaloka bethe,Liboko ke seaparo sa hao.’
12 U oele hampe hakaakang ho tsoa leholimong,Uena ea khanyang, mora oa mafube!
U lihetsoe hampe hakaakang lefatšeng,Uena ea hlotseng lichaba!+
13 U itse ka pelong, ‘Ke tla nyolohela maholimong,+Ke phahamisetse terone ea ka holim’a linaleli tsa Molimo,+Ke lule thabeng eo ho bokanoang ho eona,Likarolong tse hole ka ho fetisisa ka leboea.+
14 Ke tla nyolohela ka holim’a maru,Ke iketse hore ke tšoane le Ea Phahameng ka ho Fetisisa.’
15 Empa u tla theoleloa Lebitleng,*Botebong ba sekoti.
16 Ba u bonang ba tla u tonela mahlo,Ba u hlahlobisise ba re,‘Na eo ke eena monna ea neng a sisinya lefatše,Ea neng a etsa hore mebuso e thothomele,+
17 Ea entseng hore lefatše le be joaloka lefeella,Ea lihileng metse ea lona+Le ea hanneng ho lokolla batšoaruoa ba hae hore ba ee hae?’+
18 Marena a mang ’ohle a lichaba,Kaofela ha ’ona a phomotse ka tlhompho,E mong le e mong ka lebitleng* la hae.
19 Empa uena u lahliloe, ha u na lebitlaJoaloka lehlomela* le nyatsuoang.
U apesitsoe litopo tsa banna ba hlabiloeng ka sabole,Ba theohelang sekoting se majoeJoaloka setopo se hataketsoeng ka maoto.
20 U ke ke oa kopana le bona lebitlengHobane u sentse naha ea hao,U bolaile batho ba hao.
Mabitso a bana ba batho ba khopo a ke ke a hlola a hopoloa.
21 Lokisang sebaka seo ho tla bolaeloa bana ba hae ho sonaKa lebaka la phoso ea baholo-holo ba bonaE le hore ba se ke ba phahama, ba busa lefatšeEaba ba tlatsa naha ka metse ea bona.”
22 Jehova oa mabotho o re, “Ke tla ba hlasela.+
Ke tla tlosa lebitso, baphonyohi, bana le litloholo tse teng Babilona,”+ ke Jehova ea chong.
23 Jehova oa mabotho o re, “Ke tla e etsa lehae la linoko ’me e be sebaka se kollang metsi. Ke tla e fiela hore ho fele ka eona.”*+
24 Jehova oa mabotho o hlapantse a re:
“Ho tla etsahala feela joalokaha ke rerile.
Ho tla phethahala feela joalokaha ke entse qeto.
25 Ke tla thuhakanya Moasiria naheng ea ka,Ke mo hatakele lithabeng tsa ka.+
Joko ea hae e tla tlosoa holim’a bona,Mojaro oa hae o tlosoe mahetleng a bona.”+
26 Ena ke qeto e etselitsoeng lefatše lohle.
Lena ke letsoho le phahamiselitsoeng* lichaba tsohle.
27 Jehova oa mabotho o entse qeto,Ke mang ea ka e thibelang?+
Letsoho la hae le phahame,Ke mang ea ka le theolang?+
28 Selemong seo Morena Akaze a shoeleng+ ka sona ha etsoa phatlalatso ena:
29 “Uena Filistia le bohle ba ho uena, le se ke la thabaHobane feela lere la ea le otlang le robehile.
Ho tla tsoa noha+ e chefo motsong oa noha,+Litholoana tsa eona e tla ba noha ea mollo e fofang.*
30 Ha matsibolo a bafutsana a jaLe batho ba hlokang ba ithoballa ba sireletsehile,Ke tla bolaea motso oa hao ka tlalaLe ba setseng ba hao ba tla bolaoa.+
31 Bokollang, lona ba keiting. Llang, lona baahi ba motse.
Kaofela ha lona le tla nyahama, lona batho ba Filistia.
Mosi o tla o tsoa leboea,Ha ho ea tlang a hulana ka morao sehlopheng sa hae.”
32 Ba lokela ho re’ng ha ba araba baromuoa ba sechaba?
Hore Jehova o ralile motheo oa Sione+Le hore bafutsana ba har’a batho ba hae ba tla tšabela teng.
Linaletsana
^ Kapa: “O tla ba fa phomolo.”
^ Kapa: “ba neng ba ba qobella ho sebetsa.”
^ Kapa: “u tla soma.”
^ Kapa: “motho ea ba qobellang ho sebetsa.”
^ Kapa: “Sheole.” Sheba Tlhaloso.
^ Ka Seheberu: “liphooko.”
^ Kapa: “Sheole.” Sheba Tlhaloso.
^ Kapa: “liboko.”
^ Kapa: “Sheole.” Sheba Tlhaloso.
^ Ka Seheberu: “tlung.”
^ Kapa: “lekala.”
^ Ka Seheberu: “Ke tla e fiela ka lefielo la pheliso.”
^ Kapa: “itokiselitseng ho otla.”
^ Kapa: “noha e lebelo e chefo.”
