25:9, 21, 22

Areka e ne e le ntho ya bohlokwa ka ho fetisisa ka tabernakeleng le ho Baiseraele. Ho ba teng ha Modimo ho ne ho tshwantshetswa ke leru le neng le le pakeng tsa dikerubime tse pedi hodima sekwahelo sa Areka. Ka Letsatsi la ho Kwahela Dibe selemo le selemo, moprista ya phahameng o ne a kena ka Sehalaledisisong ebe o fafatsa madi a poho le a podi ka pela sekwahelo bakeng sa ho kwahela dibe tsa Baiseraele. (Le 16:14, 15) Sena se ne se tshwantshetsa nako eo Jesu, e leng Moprista ya Phahameng a neng a tla hlaha ka pela Jehova lehodimong bakeng sa ho hlahisa sehlabelo sa hae sa thekollo.​—Heb 9:24-26.

Bapisa mangolo a latelang le melemo eo re e fumanang ka lebaka la thekollo:

• 1Jo 1:8, 9

• Heb 9:13, 14

• Bar 6:23

• tshepo ya ho phela ka ho sa feleng

• ho tshwarelwa dibe

• ho ba le letswalo le kgutsitseng

Re lokela ho etsang e le hore re fumane melemo ee?