Ke Jehova ya hlahisang le ho hodisa peo ya nnete ka pelong ya motho. (1Ko 3:6-9) Ka lebaka leo, e le hore re atlehe ha re le mosebetsing wa boboledi, re lokela ho itshetleha ka Jehova e le hore a re thuse le hore a thuse batho bao re ithutang Bibele le bona.

Kopa Jehova hore a thuse motho eo o ithutang le yena hore a mamelle le ho hlola mathata. (Fil 1:9, 10) Toba taba. Rapella hore moya o halalelang wa Modimo o tataise dintho tseo o di etsang le tseo o di nahanang. (Lu 11:13) Ruta batho bao o ithutang Bibele le bona ho rapela o be o ba kgothalletse hore ba dule ba rapela. Rapela le motho eo o ithutang Bibele le yena o be o mo rapelle le ha o le mong. Ha o rapela, o bitse lebitso la hae.

SHEBELLANG VIDEO YA THABELA MOSEBETSI WA HO ETSA BARUTUWA—AMOHELA THUSO YA JEHOVA—THAPELO EBE LE ARABA DIPOTSO TSE LATELANG:

• Nteboheleng o ile a thulana le bothata bofe ha a ntse a ithuta Bibele le Dipontsho?

• 1 Bakorinthe 3:6 e ile ya thusa Nteboheleng jwang?

• Bothata ba Nteboheleng bo ile ba rarolleha jwang?